Breaking

২০ নৱেম্বৰৰ পৰা আৰম্ভ হ’ব আই এচ এল

0 8

দৈনন্দিন বাৰ্তা সেৱাঃ ২০ নৱেম্বৰৰ পৰা আৰম্ভ হ’ব সপ্তম সংস্কৰণৰ আই এছ এল৷ বিশ্ব ত্ৰাস সৃষ্টিকাৰি মহামাৰী কোৰোনা ভাইৰাছৰ ভয়াৱহতাৰ প্ৰতি লক্ষ্য ৰাখি এইবাৰৰ আই.এছ.এল সপ্তম সংস্কৰণৰ খেল সমূহ দেশৰ ভিন্ন প্ৰান্তত অনুষ্ঠিত হোৱাৰ পৰিৱর্তে গোৱাৰ তিনিটা স্থানত অনুষ্ঠিত হ’ব৷

গোৱাৰ ফাটোৰডাৰ জৱাহৰলাল নেহৰু ষ্টেডিয়াম, বাম্বোলিমৰ জি এম চি এথলেটিকছ ষ্টেডিয়াম আৰু ভাস্কোৰ তিলক মৈদান ষ্টেডিয়ামত সপ্তম সংস্কৰণৰ আই.এছ.এলৰ খেলসমূহ অনুষ্ঠিত হ’ব। আনহাতে প্রতিযোগিতাৰ লীগ পর্যায়ৰ মেচসমূহ নৱেম্বৰৰ পৰা ফেব্রুৱাৰীলৈ অনুষ্ঠিত হব বুলি জানিব পৰা গৈছে।

২০ নৱেম্বৰৰ উদ্বোধনী খেলত কেৰালা ব্লাষ্টার্ছে গোৱাৰ জি.এম.চি এথলেটিকছ ষ্টেডিয়ামত এ.টি.কেমোহন বাগান এফ চি মুখামুখি হ’ব। দেশশৰ ফুটবল ইতিহাসৰ অন্যতম সফল ক্লাব মোহন বাগানে এ টি কে দলৰ সৈতে সংযুক্ত হৈ প্রথমবাৰৰ বাবে আইএছএলত প্রতিদ্বন্দ্বিতা আগবঢ়াব৷

ইয়াৰ বিপৰিতে মুম্বাই চিটী এফ চিৰ বিৰুদ্ধে নর্থ ইষ্ট ইউনাইটেডে ২১ নৱেম্বৰত আই এছ এলৰ প্রথমখন মেচ খেলিব৷