টিংখাঙত বিবাহিতা মহিলাৰ ৰহস্যজনক সন্ধানহীন।

টিংখাং:  ডিব্ৰুগড় জিলাৰ টিংখাং আৰক্ষী থানাৰ অন্তৰ্গত বাইলুংভেটী গাঁৱৰ মিতালী গগৈ নামৰ এগৰাকী বিবাহিতা মহিলা ১৭ জুলাইৰ পৰা ৰহস্যজনকভাৱে সন্ধানহীন হৈ আছে। জানিব পৰা মতে নিজা বাসগৃহৰ পৰা নিশা সন্ধানহীন হোৱা মহিলা গৰাকীৰ স্বামীৰ লগতে চাৰি পুত্ৰ কন্যা সন্তান আছে।ইতিমধ্যে মহিলাগৰাকীৰ স্বামী কনক গগৈয়ে টিংখাং আৰক্ষী থানাত অৱগত কৰাৰ লগতে স্থানীয় দল সংগঠনক পত্নীৰ সন্ধান পালে অৱগত কৰিবলৈ আবেদন কৰিছে।টিংখাঙত পুনৰ এগৰাকী বিবাহিতা মহিলাৰ ৰহস্যজনকভাৱে সন্ধানহীন হোৱাৰ ঘটনাই বৃহত্তৰ অঞ্চলটোত ব্যাপক চাঞ্চল্যৰ সৃষ্টি কৰিছে। উল্লেখ্য যে জিলাখনৰ ভিতৰুৱা অঞ্চলটোত ইয়াৰ পূৰ্বে একাধিক যুৱতী মহিলাৰ ৰহস্যজনকভাৱে সন্ধানহীন হৈ আহিছে।