বেতজান চাহ বাগিচাৰ নৈশ চকীদাৰক হত্যা । ৰাজপথত টায়াৰ জ্বলাই প্ৰতিবাদ : গোর্খা ছাত্ৰ সন্থাৰ গৰিহণা ।
ডিৰাক সীমান্ত : তিনিচুকীয়া জিলাৰ মাকুম থানাৰ অন্তৰ্গত বেতজান চাহ বাগিচাত যোৱা নিশা এক হত্যাকাণ্ড সংঘটিত হয় । বাগিছাখনৰ নৈশ চকীদাৰৰ দায়িত্বত থকা জেকি বাইগাৰ নামৰ লোকজনক কোনো অচিনাক্ত দুৰ্বৃত্তই কৰ্তব্যৰত অৱস্থাত চোকা অস্ত্ৰেৰে আঘাট হানী নৃশংসভাৱে হত্যা কৰে । এতিয়া ঘটনাটোক কেন্দ্ৰ কৰি সমগ্ৰ অঞ্চলটোত এক উত্তপ্ত পৰিস্থিতিৰ সৃষ্টি হৈছে । শেহতীয়াকৈ নৈশ চকীদাৰজনৰ হত্যাকাৰীক অতি শ্ৰীঘে কৰায়ত্তৰ কৰি উচিত শাস্তি বিহিবলৈ দাবী জনাই হিন্দু জাগৰণ মঞ্চ, আটছা আদিকে ধৰি বিভিন্ন দল সংগঠনক প্ৰতিবাদ মুখৰ হৈ পৰা দেখা গৈছে । সংগঠন কেইটাই মাকুমত ৰাষ্ট্ৰীয় ঘাইপথ অৱৰোধ কৰি টায়াৰ জ্বলাই প্ৰতিবাদ সাব্যস্ত কৰিছে । অন্যহাতে আটছাই তিনিচুকীয়া জিলাৰ কাকপথাৰ, ডুমডুমা, মাকুম, ৰূপাই আদি অঞ্চল বিশেষত দোকান পোহাৰসমূহ বন্ধ কৰি দিয়া পৰিলক্ষিত হৈছে । ইফালে উক্ত ঘটনাক সদৌ অসম গোৰ্খা ছাত্ৰ সন্থাৰ তিনিচুকীয়া জিলা সমিতিয়ে তীব্ৰ গৰিহণা দিছে। তিনিচুকীয়া জিলা গোর্খা ছাত্ৰ সন্থাৰ সম্পাদক অশোক লামাই এই ঘটনাৰ তীব্ৰ গৰিহনা দিয়াৰ লগতে হত্যাকাৰীক অতি শীঘ্ৰে কৰায়ত্ব কৰি কঠোৰতম শাস্তি প্ৰদান কৰিবলৈ জিলা প্ৰশাসনক দাবী জনোৱাৰ লগতে ভুক্তভোগী পৰিয়ালটোক অসম চৰকাৰৰ লগতে মাকুম বেতজান চাহ বাগিচা কৰ্তৃপক্ষই উচিত ক্ষতিপূৰণ দিয়াৰ উপৰিও জেকি বাইগাৰৰ পৰিয়ালৰ এগৰাকীক কৰ্মসংস্থাপন দিযাৰ লগতে জেকি বাইগাৰৰ একমাত্ৰ ডেৰ বছৰীয়া পুত্ৰক অসম চৰকাৰ লগতে বাগিছা কৰ্তৃপক্ষই ভৰণ পোষণৰ সকলো দায়িত্ব গ্ৰহণ কৰিবলৈ দাবী জনাইছে গোৰ্খা ছাত্ৰ সন্থাই। জেকি বাইগাৰৰ আত্মাৰ চিৰ শান্তি কামনা কৰাৰ লগতে শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰি গোৰ্খা ছাত্ৰ সন্থাৰ তিনিচুকীয়া জিলা সমিতিৰ সম্পাদক অশোক লামাই সংবাদ মাধ্যম লৈ প্ৰেৰণ কৰা এক প্ৰেছ বিজ্ঞপ্তিত এই কথা প্ৰকাশ কৰিছে।
