হোজাইত উদ্যেগ জনক হাৰত বৃদ্ধি পাবলৈ ধৰিছে কভিড-১৯ পজিটিভৰ সংখ্যা ৷

হোজাই : হোজাই জিলাত উদ্যেগজনক হাৰত বৃদ্ধি পাবলৈ ধৰিছে কভিড-১৯ পজিটিভৰ সংখ্যা ৷ কালি নিশাৰ ফলাফল অনুসৰি হোজাই জিলাত নতুনকৈ 50 জনৰ শৰীৰত ধৰা পৰিছে কভিড-১৯ পজিটিভ ৷ ইয়াৰে ভিতৰত ডবকাত আছে তিনিজন ৷ ডবকাৰ চাৰিলেনযুক্ত ৩৬ নং ৰাষ্ট্ৰীয় ঘাইপথৰ দাতিত থকা হোটেল তাজমহলৰ স্বত্বাধিকাৰীৰ পত্নী মৰিয়ম বেগম, মদাৰতলিত থকা কে,আৰ,চি পেট্ৰল পাম্পৰ পৰিচালক অনিল শৰ্মা আৰু জংগলব্লক গাৱৰ এটি কোৱাৰিন্টাইন চেন্টাৰত আব্দুল কাদিৰ নামৰ এজন লোকৰ শৰীৰত ধৰা পৰিছে কভিড-১৯ পজিটিভ ৷ ইতিমধ্যে কালি নিশাই হোজাই জিলা প্ৰশাসনে হোটেল আৰু পেট্ৰল পাম্পটো চেনিটাইজ কৰি ছীল কৰি দিয়াৰ লগতে আটাইকেইজনক স্বাস্থ্য বিভাগে উদ্ধাৰ কৰি যোগীজান কভিড হস্পিতাললৈ প্ৰেৰন কৰিছে ৷ 50 গৰাকীৰ ভিতৰত আছে লংকাৰ পাচ গৰাকীকৈ স্বাস্থ্য কৰ্মীৰ লোক ৷ ডবকাৰ তিনি গৰাকী ৰোগীৰ ভিতৰত পেট্ৰল পাম্পৰ পৰিচালক অনিল শৰ্মা আৰু তাজমহল হোটোলৰ মৰিয়ম বেগমৰ কোনো ধৰনৰ ট্ৰেভেল হিষ্ট্ৰী নাই ৷ ইয়াকে লৈ শংকিত হৈ পৰিছে ডবকা বাসী। আমি পোৱা তথ্য অনুসৰি হোজাই জিলাখনত স্বোৱাপ সংগ্ৰহ কৰি পৰীক্ষা কৰি ৩০৩ জনৰ শৰীৰত কভিড-১৯ ধৰা পৰিছে ৷ তাৰ ভিতৰত দুই শতাধিক কোৰোনা ৰোগী যমুনামুখ সমষ্টিৰ। ইয়াৰে ভিতৰত চিকিৎসাৰ অন্তত ১৬৭ গৰাকীক মুকলি কৰি দিয়া হৈছে বাকী থকা ১৩৬ গৰাকী বৰ্তমানে চিকিৎসাধীন হৈ আছে ৷এই খবৰে আতংকিত হৈ পৰিছে ডবকা বাসীয়ে।এই ভয়ংকৰ খবৰৰ মাজতেই আজি ডবকা নগৰত সপ্তাহিক বজাৰত দেখা গল এক ভয়ংকৰ ৰূপ৷জিলা খনত দেওবাৰে 50 জনকৈ লোকৰ দেহত কভিড-১৯ পজিটিভ ধৰা পৰাৰ পিছতো আজি ডবকা নগৰত ওলাই আহিছে জাকে জাকে জনতা।অভাৱনীয় ভাৱে ডবকা নগৰত ৰাইজ ওলাই আহিছে যদিও নিৰুপায় আৰক্ষী প্ৰশাসন। যিকোনো সময়ত ঘন সংক্ৰমন হোৱাৰ সম্ভাৱনা প্ৰকট হৈ পৰিছে।