আনাৰসৰ নাম শুনিলেই আপোনাৰ মুখত পানী ওলাব পাৰে, কিন্তু নিয়মিতভাৱে খালে শৰীৰত কি উপকাৰ হ’ব পাৰে জানেনে। আনাৰস বেলেগ বেলেগ সোৱাদৰ বাবে বিখ্যাত, সেইবাবেই মানুহে এই ফলটো অতি উৎসাহেৰে খায় আৰু ইয়াৰ ৰসও খাবলৈ ভাল পায় মানুহে। ভিটামিন চি, ভিটামিন বি ৬, ফলেট, মেংগানিজ, তাম আৰু খাদ্য আঁহ এই ফলত প্ৰচুৰ পৰিমাণে পোৱা যায়। আনাৰস খালে লাভ কৰিব এই ৪ টা উপকাৰ-
আনাৰসত থকা এনজাইমে হজম শক্তি উন্নত কৰাত সহায় কৰিব পাৰে। ই বদহজম কমাবলৈ আৰু হজম শক্তি উন্নত কৰাত সহায়ক, যিয়ে পেটৰ লগত জড়িত সমস্যাৰ পৰা সকাহ দিব পাৰে।
আনাৰসত ভাল পৰিমাণৰ ভিটামিন চি থাকে, এই পুষ্টিকৰ পদাৰ্থই শৰীৰৰ ৰোগ প্ৰতিৰোধ ক্ষমতা শক্তিশালী কৰাত সহায় কৰে। ইয়াৰ ফলত ৰোগৰ বিৰুদ্ধে যুঁজিবলৈ শক্তি পোৱা যায় আৰু স্বাস্থ্যৰ উন্নতি সাধন কৰিব পাৰে।
আনাৰসত থকা আঁহ আৰু ভিটামিন চিয়ে হৃদযন্ত্ৰৰ স্বাস্থ্য উন্নত কৰাত সহায় কৰিব পাৰে। ইয়াৰ দ্বাৰা কলেষ্টেৰলৰ পৰিমাণ কমাব পৰা যায় আৰু উচ্চ ৰক্তচাপৰ সমস্যাও দূৰ কৰিব পৰা যায়।
আনাৰসত পোৱা ভিটামিন চি আৰু এন্টিঅক্সিডেন্টে ছালখন সুস্থ কৰি ৰখাত সহায় কৰিব পাৰে। ই ছালত থকা দাগবোৰ কমাই ছালত গ্লো আনিব পাৰে।
ডায়েবেটিছ বা উচ্চ ব্লাড চুগাৰত আক্ৰান্ত লোকসকলে আনাৰস খোৱাৰ পৰা বিৰত থাকিব লাগে কাৰণ ই উচ্চ চেনিৰ ফল আৰু ইয়াৰ গ্লাইচেমিক ইনডেক্স অতি উচ্চ।