হোজাইত এগৰাকী অভিযন্ত্ৰাৰ কভিড-১৯ পজেটিভ ওলোৱাৰ পাছতো চেনিটাইজাৰ নকৰাকৈ চলাই গৈছে কাৰ্যালয়।

হোজাই : ডবকাত এগৰাকী অভিযন্তাৰ দেহত ধৰা পৰিছে কভিড-১৯ পজেটিভ।অভিযন্ত্ৰা গৰাকীৰ নাম শ্বনাতন বশ্য।শ্বনাতন বশ্য নামৰ অভিযন্ত্ৰা গৰাকীৰ দেহত কভিড-১৯ পজেটিভ ধৰা পৰাৰ পাছত অভিযন্ত্ৰা গৰাকীক গুৱাহাটী চিকিৎসালয়ত ভৰ্তি কৰা হৈছে।জানিব পৰা মতে অভিযন্ত্ৰা গৰাকীয়ে যোৱা শনিবাৰে ডবকাৰ বিন্নাকান্দী উন্নয়ন খণ্ডৰ কাৰ্য্যলয়ত প্ৰৱেশ কৰাত বহুতে আহিছিল সংস্পৰ্শলৈ। কেবল কাৰ্যালয়তে নহয় তেওঁৰ দায়িত্বত থকা নীলবাগান গাও পঞ্চায়তৰ কাৰ্যালয়ৰ লগতে নীলবাগানৰ একাংশ ৰাইজৰ সংস্পৰ্শলৈ আহিছিল।অভিযন্ত্ৰা গৰাকীৰ দেহত কভিড-১৯ পজেটিব ধৰা পৰাৰ কথা বিন্নাকান্দী উন্নয়ন খণ্ডত থকা কোনো বিষয়-বৱীয়া সকলে বৰ্তমান লৈকে জ্ঞাত নহয় বুলি জানিব পৰা গৈছে।কভিড-১৯ পজেটিভ ধৰা পৰাৰ পাছতো উন্নয়ন খণ্ডটোত হোৱা নাই চেনিটাইজাৰ।এনেকৈয়ে উন্নয়ন খণ্ডখনত বিষয়-ববিয়া সকলে পালন কৰি গৈছে নিজৰ কৰ্তব্য।এতিয়া প্ৰশ্ন হয় জিলা প্ৰশাসনৰ লগতে স্বাহ্য বিভাগে কিয় অৱগত কৰা নাই এই ভয়কংকৰ খবৰটো।জিলা প্ৰশাসনে এই ভয়ংকৰ খবৰটো অৱগত নকৰাৰ বাবেই কাৰ্য্যলয় খনত বাকী বিষয় ববীয়া সকলে চলাই গৈছে নিজৰ কাম-কাজ।উল্লেখযোগ্য যে অভিযন্তা গৰাকীৰ ঘৰ গুৱাহাটী মালিগাওঁত, মালিগাওঁত অন্য এজন লোকৰ দেহত কভিড-১৯ ধৰা পৰাৰ পুৰ্বে সংস্পৰ্শলৈ আহিছিল বুলি অভিযন্তা গৰাকীয়ে উল্লেখ কৰিছে। ডবকা বিন্নাকান্দিত ৰাইজে সঘনাই নিয়মীয়া অহা যোৱা কৰিছে যদিও কভিড-১৯ পজিটিভ ধৰা পৰাৰ পিছতো কিয় মনতা অৱলম্বন কৰিছে একাংশ বিষয়াই এই লৈ প্ৰশ্ন উত্থাপন কৰিছে সচেতন ৰাইজে।
এতিয়া প্ৰশ্ন হয় এই কভিড-১৯ বীজাণুয়ে যদি বেলেগ বিষয়-বৱীয়া সকলক আক্ৰান্ত কৰে তেন্তে ইয়াৰ দায়িত্ব লব কোনে,ইয়াৰ দায়ি কোন ? প্ৰশাসনৰ এনেধৰনৰ কিছু কাণ্ডই ডবকা বাসী স্তম্ভিত হৈ পৰিছে।