দৈনন্দিন বাৰ্তা ডেস্ক :
জাতিৰ চৌদিশত বিভিন্ন প্ৰজাতিৰ উদ্ভিদ আৰু প্ৰাণীয়ে পূৰ্ণ কৰি ৰাখিছে৷ ইয়াৰ লগতে বিভিন্ন ৰঙৰ বৃক্ষ-গুল্মই জাতিষ্কাৰ কৰি ৰাখিছে ৷ ইপিনে ক’ভিড-১৯ৰ বাবে অব্যাহত থকা লকডাউনৰ বাবে বাহিৰ হ’ব পৰা নাই মানৱ জাতি৷ ফলত সাধাৰণ জনজীৱন ব্যাহত হৈছে ৷ এই সময়চোৱাত জগতখনত কি হৈছে তাক কোনেও ভালদৰে জানিব পৰা নাই৷ ফলত প্ৰকৃতিৰ সৌন্দৰ্য কোনেও উপভোগ কৰিব পৰা নাই ৷ এটা মাৰাত্মক ভাইৰাছৰ বাবে লকডাউন অব্যাহত আছে ৷ এই সময়তে প্ৰকৃতিৰ সৌন্দৰ্য নতুন ৰূপত প্ৰকাশ পাইছে ৷ তাৰে এক সৌন্দৰ্য শেহতীয়াকৈ কেমেৰাত বন্দী হৈছে ৷ কেমেৰাত বন্দী হোৱা দৃশ্যটো সামাজিক মাধ্যমত প্ৰচাৰ হোৱাৰ লগে লগে বিভিন্নজনে প্ৰত্যক্ষ কৰি অভিভূত হৈছে ৷ উল্লেখ্য যে কিছুদিনৰ আগতে কৰ্ণাটকৰ কাবিনী অভয়াৰণ্যত উদ্ধাৰ হৈছিল এক ক’লা ৰঙৰ অজগৰ ৷ এই ছবিখন বিভিন্নজনৰ মাজত ভাইৰেল হৈ পৰিছিল৷ এইবাৰ আন এক দৃষ্টিনন্দন দৃশ্যই মোহিত কৰিছে বিভিন্নজনক৷ সেয়া হ’ল এক দুষ্প্ৰাপ্য প্ৰাণীৰ দৃশ্য, যাক জনা যায় ‘সোণালী বাঘ’ বা ইংৰাজীত ‘গ’ল্ডেন টাইগাৰ’ ৷ এই বাঘক ‘টাড্ডী টাইগাৰ’ বা ‘ট্ৰবেৰী টাইগাৰ’ বুলিও জনা যায়৷ অসমৰ কাজিৰঙাত পোৱা গৈছে এই মেকুৰী প্ৰজাতিটো৷ উল্লেখ্য যে এইটোৱেই দেশৰ একমাত্ৰ ‘সোণালী বাঘ’ ৷ এই বাঘৰ ছবি ভাৰতীয় বন সেৱা বিষয়া প্ৰৱীণ কুমাৰে টুইটাৰৰ জৰিয়তে প্ৰচাৰ কৰি দিয়ে ৷ বিষয়াজনে ছবিখন প্ৰচাৰৰ সময়ত ময়ূৰেশ হেনডৰী বুলি উল্লেখ কৰিছিল ৷ প্ৰকৃতিৰ এই অন্যান্য সৌন্দৰ্য এতিয়া বিভিন্নজনে উপভোগ কৰিছে ৷