দক্ষতা অনুযায়ী প্ৰৱজিত শ্ৰমিকক কামৰ ব্যৱস্থা কৰিবলৈ কেন্দ্ৰ-ৰাজ্য চৰকাৰক নিৰ্দেশ উচ্চতম ন্যায়ালয়ৰ ।
দৈনন্দিন বাৰ্তা নেচনেল ডেস্ক
দক্ষতা অনুযায়ী প্ৰৱজিত শ্ৰমিকক কামৰ ব্যৱস্থা কৰক৷ মঙলবাৰে প্ৰৱজিত শ্ৰমিক সংক্ৰান্তত দেশৰ উচ্চতম ন্যায়ালয়ে এক গোচৰৰ এই ৰায় দিয়ে৷ আনকি৷লকডাউনৰ সময়ত চৰকাৰী৷নিৰ্দেশ ভঙাৰ বাবে বহু প্ৰৱজিত শ্ৰমিকক দায়ী কৰি গোচৰ ৰুজু কৰা হৈছিল৷ কেন্দ্ৰ আৰু ৰাজ্যবোৰক সেইবোৰ প্ৰত্যাহাৰ কৰাৰ বিষয়টো বিবেচনা কৰিবলৈ কয়৷ মানৱীয় কাৰণতে ২০০৫ চনৰ দুৰ্যোগ মোকাবিলা আইন অনুযায়ী এই সিদ্ধান্ত লোৱা উচিত বুলি জনায় বিচাৰপীঠে৷ মঙলবাৰে এই গোচৰৰ শুনানিৰ পাছত বিচাৰপীঠে পুনৰ নিৰ্দেশ দিয়ে যে কেন্দ্ৰ আৰু ৰাজ্য চৰকাৰবোৰে ১৫ দিনৰ ভিতৰত প্ৰৱজিত শ্ৰমিকসকলক নিজ এলেকালৈ ঘুৰাই আনিব লাগিব৷ লগতে কেন্দ্ৰক নিৰ্দেশ দিয়ে যে ৰাজ্য চৰকাৰে দাবী জনালে ২৪ ঘণ্টাৰ ভিতৰত প্ৰৱজিত শ্ৰমিকৰ বাবে ৰে’লৰ ব্যৱস্থা কৰিব৷ আনকি ইয়াৰ বাবে কোনো টকাও ল’ব নালাগিব বুলি পুনৰ সতৰ্ক কৰি দিয়ে৷