নলবাৰীৰ ৪৬ নং পূৱ নম্বৰ ভাগ গাঁও পঞ্চায়তত চলিছে ব্যাপক কেলেংকাৰী আৰু অৰাজকতা। পঞ্চায়তৰ সদস্যক হাজাৰে হাজাৰে উৎকোচ প্ৰদান নকৰিলে হিতাধিকাৰীৰ নাম অন্তৰ্ভুক্ত নকৰে চৰকাৰী আঁচনিৰ তালিকাত ।

নলবাৰী : ৰাজ্যৰ বিভিন্ন পঞ্চায়তত সংঘটিত হৈ আহিছে দুৰ্নীতি। একাংশ পঞ্চায়ত প্ৰতিনিধিয়ে এতিয়া বিভিন্ন চৰকাৰী আঁচনিৰ নামত ব্যাপক কেলেংকাৰী আৰু দুৰ্নীতি সংঘটিত কৰি দুখীয়া ৰাইজক মাধমাৰ সোধোৱাত পৰিলক্ষিত হৈছে। প্ৰকৃত হিতাধিকাৰীয়ে লাভ কৰিব নাপায় চৰকাৰী আঁচনি। যদি আঁচনিৰ তালিকাত প্ৰকৃত হিতাধিকাৰীৰ নাম অন্তৰ্ভুক্ত কৰিব লাগে তেন্তে একাংশ পঞ্চায়ত প্ৰতিনিধিক পঞ্চাশ টকা পৰা বিশ হাজাৰ টকালৈ উৎকোচ প্ৰদান কৰিব লগা হয়। এনে এক ঘটনা সংঘটিত হৈ আছে নলবাৰী জিলাৰ ৪৬ নং পূৱ নম্বৰ ভাগ গাঁও পঞ্চায়তত। পঞ্চায়তটোৰ অন্তৰ্গত বৰঝাৰ অঞ্চলৰ প্ৰায় খেতিয়ক তথা দিন হাজিৰা কৰা দুখীয়া হিতাধিকাৰীয়ে লাভ কৰিব পৰা নাই চৰকাৰী আঁচনি। আৰু ইয়াৰ মুখ্য কাৰণ হিচাপে ৰাইজে পঞ্চায়ত খনৰে সদস্য লোহিত হালৈ বুলি অভিযোগ উত্থাপন কৰিছে। স্থানীয় ৰাইজৰ অভিযোগ কৰা অনুসৰি, অগপ দলৰ পৰা প্ৰতিনিধিত্ব কৰি নিৰ্বাচনত জয় লাভ কৰি পঞ্চায়ত সদস্য হোৱা লোহিত হালৈয়ে যিবিলাক দুখীয়া দিন হাজিৰা কৰা লোক আৰু অঞ্চলটোৰ যিবিলাক ৰাইজে বিজেপি অথবা অন্যান্য দলক ভোট প্ৰদান কৰিছে সেই লোক সকলক পঞ্চায়ত সদস্য গৰাকীয়ে চৰকাৰী আঁচনি লাভ কৰিব নিদিয়ে। যদি হিতাধিকাৰী জন অগপ দলৰ সমৰ্থনকাৰী নহয় নাইবা কোনো দলৰ লগত সম্পৰ্ক নথকা দিন হাজিৰা কৰা লোক হয় তেতিয়া চৰকাৰী আঁচনিৰ তালিকাত প্ৰকৃত হিতাধিকাৰীজনৰ নাম অন্তৰ্ভুক্ত কৰিব লাগিলে বিশ হাজাৰ টকালৈ শকত ধনৰ টোপোলাৰ ঘোষ দিব লাগে বুলি ৰাইজে অভিযোগ উত্থাপন কৰে। ইয়াৰ উদাহৰণ স্বৰূপে অঞ্চলটোৰ হৰমোহন বৰ্মন নামৰ গাড়ী চলাই কিম্বা প্ৰকাৰে পৰিয়াল পোহ পাল দি থকা ব্যক্তি এজনৰ প্ৰধান মন্ত্ৰী আৱাস যোজনাৰ তালিকাত নাম অহাৰ পিছতো পঞ্চায়ত সদস্য লোহিত হালৈক ঘোষ দিব নোৱাৰাৰ বাবদ তালিকাৰ পৰা হিতাধিকাৰী জনৰ নাম কাটি আইন মানুহৰ নাম অন্তৰ্ভুক্ত কৰা বুলি পৰিয়ালটোৱে অভিযোগ উত্থাপন কৰে। লোহিত হালৈয়ে ঘোষ নোপোৱাৰ বাবে ভোটাৰ তালিকাত হৰমোহন বৰ্মনৰ নাম থকাৰ পিছত ও সেই অঞ্চলৰ লোক নহয় বুলি এক মিছা অজুহাত প্ৰকাশ কৰে বুলিও পৰিয়ালটোৱে মত ব্যক্ত কৰে। পঞ্চায়ত সদস্য গৰাকীয়ে ব্যক্তিগত ভাৱে কৰা এনে ৰাজনৈতিক সংঘাটৰ বাবে এতিয়া স্থানীয় ৰাইজে বিভিন্ন ধৰণৰ সমস্যাত পৰি বহুতো চৰকাৰী আঁচনি পৰা বঞ্চিত হব লগীয়া হোৱা বুলি সংবাদ মাধ্যমৰ আগত মন্তব্য কৰে। আনহাতে কিষাণ সন্মান নিধি আঁচনি নামত ও পঞ্চায়ত সদস্য গৰাকীয়ে ব্যাপক কেলেংকাৰী সংঘটিত কৰা বুলি স্থানীয় ৰাইজে অভিযোগ উত্থাপন কৰিছে। কৃষকৰ আঁচনিৰ তালিকাত হিতাধিকাৰীৰ নাম অন্তৰ্ভুক্ত কৰাৰ বিনিময়ত ফটো,খাজনা ভৰা ৰচিদ আদি নথি পত্ৰৰ লগতে ৫০-১০০ টকাকৈ পঞ্চায়ত সদস্য গৰাকীৰ দালাল ৰূপজ্যোতি হালৈয়ে লোৱা বুলি একাংশ স্থানীয় মহিলাই অভিযোগ উত্থাপন কৰিছে। আনহাতে পঞ্চায়তৰ সদস্য হোৱাৰ পিছত ও লোহিত হালৈয়ে জনসাধাৰণৰ ওচৰত নাথাকি এখন বাছত কনডাক্টৰ হিচাপে কাম কৰে। অঞ্চলটো চলি থকা এইবিলাক বিষয় সন্দৰ্ভত ৰাইজে জিলা উপাযুক্তক লিখিত ৰূপে অভিযোগ কৰিছে যদিও আজিলৈ কোনো ব্যৱস্থা লোৱা হোৱা নাই বুলি ৰাইজে মন্তব্য কৰে। স্থানীয় ৰাইজৰ লগত সংঘটিত হৈ থকা এই বিলাক বিষয় সংবাদ মাধ্যমৰ জৰিয়তে অৱগত কৰাই ৰাইজে চৰকাৰ অনুৰোধ জনাইছে যে পঞ্চায়ত সদস্য গৰাকীয়ে সংঘটিত কৰা এনে দুৰ্নীতিৰ ওপৰত যেতিয়া সোণকালে ব্যৱস্থা গ্ৰহণ কৰে আৰু প্ৰকৃত হিতাধিকাৰীয়ে যেতিয়া কোনো ৰাজনৈতিক মেৰপাচ অথবা উৎকোচ নিদিয়াকৈয়ে আঁচনি লাভ কৰিব পৰে তাৰ বাবে গুৰুত্ব প্ৰদান কৰিবলৈ ৰাইজে চৰকাৰক অনুৰোধ জনায়।