ওৰাং আৰু মাজবাটত বৃহৎ পৰিমাণৰ গাঞ্জাসহ ৩ গৰাকী লোকক আটক

ওৰাং : ওৰাং আৰু  মাজবাটত পৃথকে পৃথকে বৃহৎ পৰিমাণৰ গাঞ্জা জব্দ। গোপন সূত্ৰৰ খবৰৰ ভিত্তিত পৃথকে পৃথকে আৰক্ষীয়ে অভিযান চলাই জব্দ কৰে গাঞ্জাখিনি। মাজবাটৰ আদৰ্শ বাহাদুৰ গাঁৱৰ পৰা ৫৫ কিলোগ্ৰাম গাঞ্জাসহ ইলিয়া দৈমাৰী নামৰ এজন লোকক আটক কৰে মাজবাট আৰক্ষীয়ে। ইফালে বুধবাৰে দিনৰ ভাগত ওৰাঙতে গাঞ্জাসহ এজন লোকক আটক ওৰাং আৰক্ষীয়ে। গোপন সূত্ৰৰ খবৰৰ ভিত্তিত অভিযান চলাই ওৰাং আৰক্ষীয়ে জব্দ কৰে ৩০ কিলোগ্ৰাম গাঞ্জা। অভিযান কালত ৬ পেকেট গাঞ্জা সহ আতক কৰে ৰুবুংচা বড়ো নামৰ এজন লোকক। AS 01 DN 5657 নম্বৰৰ এখন বিলাসী বিলেনু বাহনৰ পৰা জব্দ কৰে গাঞ্জাখিনি। ওৰাং আৰক্ষীয়ে আটক কৰা লোকজন ওদালগুৰিৰ ১ নম্বৰ সাপকাতিৰ বুলি জানিব পৰা গৈছে। গাঞ্জাসহ দুজন লোকক আটক কৰা ঘটনাৰ সন্দৰ্ভত ওৰাং আৰু মাজবাট আৰক্ষীয়ে ৰজু কৰিছে গোচৰ।  ইফালে মাজবাট আৰক্ষীয়ে ইলিয়া দৈমাৰীৰ লগত গাঞ্জা সৰবৰাহত জড়িত থকাৰ সন্দেহত মাজবাটৰ নাও হৰুৱা গাঁৱৰ বিলিয়ন দৈমাৰী নামৰ আন এজন লোককো আটক কৰিছে।