Breaking

গৌৰীপুৰত এক মৰ্মান্তিক ঘটনা : লকডাউনত পানীত হাঁহ নচৰা অৱস্থা, প্ৰাণ গ’ল দম্পত্তিৰ

0 64

গৌৰীপুৰ

গৌৰীপুৰত ঈদৰ আনন্দৰ সময়তে এক মৰ্মান্তিক ঘটনাই তীব্ৰ চাঞ্চল্য বিৰাজ কৰিছে সমগ্ৰ অঞ্চলটোত৷ ঘটনাৰ বিৱৰণী মতে, ধুবুৰী জিলাৰ গৌৰীপুৰ আৰক্ষী থানাৰ অন্তৰ্গত গেৰামাৰী গাঁও পঞ্চায়তৰ এলেকাধীন বেগুতলী গাঁৱত এক দম্পত্তিয়ে নিজ বাসভৱনত চিপ লৈ আত্মহত্যা কৰা ঘটনাই জোকাৰি গৈছে সমগ্ৰ অঞ্চল। উল্লেখ্য যে চতুৰ্থ পৰ্যায়ৰ লকডাউন চলি থকাৰ সময়তে বেগুতলী গাঁৱৰ স্থায়ী বাসিন্দা বাচ্চু সেখৰ পুত্র ছাইদুল ৰহমান (৩৫)ৰ আৰ্থিকভাৱে জৰুলা হৈ পৰাত ঈদৰ বজাৰ কৰিব নোৱাৰি বিমোৰত পৰে। ৰাতি বিছনাত শুই পৰে যদিও ৰাতিপুৱা প্ৰায় পাঁচ বজাত ছাইদুল ৰহমানৰ পত্নীক বিছনাত মৃত্যু অৱস্থাত পৰি থকাৰ লগতে ছাইদুল ৰহমান বাৰান্দাত চিপ লৈ ওলমি থকা প্ৰত্যক্ষ কৰি আৰক্ষীক খবৰ দিয়াত আৰক্ষীয়ে তথাতৈয়াকৈ ঘটনাস্থলীত উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে ধুবুৰী অসামৰিক চিকিৎসালয় লৈ প্ৰেৰণ কৰে৷ মৃত্যুৰ কাৰণ বাতৰি লিখা পৰলৈকে জানিব পৰা হোৱা নাই৷ স্মৰ্তব্য যে দীৰ্ঘদিন ধৰি লকডাউন চলি থকাত দিন হাজিৰা কৰা পৰিয়ালৰ পানীত হাঁহ নচৰা অৱস্থাৰ সৃষ্টি হৈছে। লকডাউনৰ ফলত আৰ্থিকভাৱে জৰুলা হৈ এক দম্পত্তিয়ে কৰুণ মৃত্যুক সাৱটি ল’ব লগীয়া ঘটনাই মৰ্মাহত কৰি তুলিছে সমগ্ৰ গৌৰীপুৰবাসী ৰাইজক৷

Leave A Reply