ডবকাত আৰক্ষীৰ অভিযানত দুই ড্ৰাগছ সৰবৰাহকাৰী আটক

হোজাই জিলাৰ ডবকা আৰক্ষী থানাৰ  অন্তৰ্গত ডবকা ২৭ নং ৰাষ্ট্ৰীয় ঘাই পথত অভিযান চলাই আজি সন্ধিয়া দুই ড্ৰাগছ সৰবৰাহ কাৰীক আটক কৰা ঘটনাই চাঞ্চল্যৰ সৃষ্টি কৰিছে ৷  আজি সন্ধিয়া এক গোপন সূত্ৰৰ পম খেদি ডবকাৰ আৰক্ষী থানাৰ ভাৰপ্ৰাপ্ত বিষয়া অমৃত কুমাৰ সিং ৰ নেতৃত্বত যোৱা এটি আৰক্ষীৰ দলে ডবকাৰ চাৰিলেনযুক্ত ২৭ নং ৰাষ্ট্ৰীয় ঘাইপথত আজি সন্ধিয়া অভিযান চলায় ৷ অভিযান কালত দুই ড্ৰাগছ সৰবৰাহকাৰীক গ্ৰেপ্তাৰ কৰে ৷ ধৃত সৰবৰাহ কাৰীকেইটাৰ নাম হল চাদ্দাম হুছেইন আৰু ময়নুল হক ৷ সৰবৰাহ কাৰী কেইটাৰ কৱলৰ পৰা তিনিটা হেৰইনৰ কন্টেনাৰ জব্দ কৰে ৷ বৰ্তমান অৱ্যাহত আছে আৰক্ষীৰ তদন্ত ৷