সৌন্দৰ্য্যৰ সুফল সহজ ঘৰুৱা উপায়েৰেও লাভ কৰিব পাৰি। কফিৰ পৰা প্ৰস্তুত কৰা ফেচ মাস্কৰ বিশয়ে জানেনে, যাৰ দ্বাৰা আপুনি অতিৰিক্ত গ্লো পাব পাৰে। কফি কেৱল খোৱাৰ বাবেই নহয়, সৌন্দৰ্য্য বৃদ্ধিতো ফলপ্ৰসূ। Coffee Face Mask এ মুখৰ ৰং উন্নত কৰাত সহায় কৰে আৰু ছালৰ লগত জড়িত বহু সমস্যা দূৰ কৰে।
প্ৰথমে এটা বাটিত পিহি লোৱা কফিৰ গুড়ি আৰু মৌ মিহলাই ডাঠ পেষ্ট বনাওক। তাৰ পিছত মুখখন পৰিষ্কাৰ কৰি শুকুৱাই লওক। তাৰ পিছত এই পেষ্টটো মুখ আৰু ডিঙিত লগাব। ১০-১৫ মিনিট ৰাখিব, তাৰ পিছত কুহুমীয়া পানীৰে ধুব। মুখ ধোৱাৰ পিছত লাইট মইশ্ব’ৰাইজাৰ লগাব লাগে।
কফিত থকা এন্টিঅক্সিডেন্টে মৃত ছাল আঁতৰোৱাত সহায় কৰে, যাৰ ফলত ছালখন মসৃণ আৰু জিলিকি থকা দেখা যায়।
কফিয়ে তেজৰ সঞ্চালন বৃদ্ধি কৰে, যিয়ে মুখমণ্ডললৈ গ্লো আনে আৰু ৰং উন্নত কৰে।
কফিয়ে প্ৰাকৃতিকভাৱে তেল শোষণ কৰে, সেয়েহে তেলীয়া ছাল থকাসকলৰ বাবে ই অতি উপকাৰী।
কফিৰ এন্টি-বেক্টেৰিয়েল গুণ আছে, যিয়ে পিম্পল আৰু ব্ৰণৰ সমস্যা দূৰ কৰে।
কফিৰ ফেচ পেক ব্যৱহাৰৰ ফলত মুখৰ বলিৰেখা আৰু মিহি ৰেখা হ্ৰাস পায়।
কফি ফেচ মাস্ক লগোৱাৰ আগতে পেচ টেষ্ট কৰক। প্ৰথমে কঁকালৰ ভিতৰৰ অংশত অলপ পেষ্ট লগাই ১০ মিনিট ৰাখিব। কোনো ধৰণৰ বিৰক্তি বা ৰঙা পৰা নহ’লেহে মুখত লগাব লাগে। সপ্তাহত ১-২ বাৰতকৈ অধিক কফি ফেচ মাস্ক ব্যৱহাৰ নকৰিব।