ভাৰতৰ বেংকৰ পৰা ১৪ হাজাৰ কোটি টকা লুটি বিদেশলৈ পলায়ন কৰা নিৰৱ মোদীক ভাৰতলৈ অনা দুৱাৰ মুকলি হ’ল ৷ ভাৰতলৈ প্ৰত্যাৱৰ্তন কৰিবলৈ যোজা চলি থকাৰ সময়তে লণ্ডনৰ আদালতে গ্ৰীণ চিগনেল দিলে ৷ পঞ্জাৱ নেছনেল বেংক কেলেংকাৰীৰ খলনায়কক ব্ৰিটেইনৰ আদালতে ভাৰত প্ৰত্যাৱৰ্তনৰ পথ মুকলি কৰে বুধবাৰে ৷
কুখ্যাত ভাৰতীয় হীৰা ব্যৱসায়ী নিৰৱ মোদীক স্বদেশলৈ উভতাই আনিবলৈ লণ্ডনৰ ৱেষ্টমিনষ্টাৰ আদালতে কয় যে ভাৰতলৈ প্ৰত্যাৱৰ্তন কৰিব পাৰিব নিৰৱ মোদীক ৷ আদালতে কয় যে ভাৰতলৈ প্ৰত্যৱৰ্তন কৰাত কোনো অসুবিধা থাকিব নোৱাৰে ৷ অসুবিধা থকা বুলি প্ৰচাৰ হোৱা বিষয়টো ভুল ৷
৪৮ বছৰীয়া নিৰৱে ২০১৯ চনৰ ১৯ মাৰ্চত লণ্ডনৰ কাৰাগাৰত কাৰাবন্দী হৈ আছে ৷