ধঁপাত জাতীয় সামগ্ৰী বিক্ৰী, ৰাজহুৱা ঠাইত থু পেলোৱা নিষিদ্ধ কৰিবলৈ ৰাজ্য, কেন্দ্ৰীয়শাসিত অঞ্চললৈ আহ্বান কেন্দ্ৰীয় স্বাস্থ্য মন্ত্ৰীৰ

দৈনন্দিন বাৰ্তা প্ৰতিবেদন

কেন্দ্ৰীয় স্বাস্থ্য মন্ত্ৰী হৰ্ষ বৰ্দ্ধনে ক’ৰোনা ভাইৰাছ ৰোগ সংক্ৰমণ ৰোধ কৰাৰ ক্ষেত্ৰত ধঁপাত জাতীয় সামগ্ৰী বিক্ৰী আৰু ৰাজহুৱা ঠাইত থু পেলোৱাটো নিষিদ্ধ কৰিবলৈ ৰাজ্য আৰু কেন্দ্ৰীয়শাসিত অঞ্চলবোৰলৈ আহ্বান জনাইছে৷ ৰাজস্থান আৰু ঝাৰখণ্ড চৰকাৰে ক’ৰোনা ভাইৰাছ সংক্ৰমণ ৰোধৰ বাবে এই সন্দৰ্ভত জাননী জাৰি কৰাক লৈ এক আবেদন আহিছে৷ সকলোবোৰ ৰাজ্যৰ স্বাস্থ্য মন্ত্ৰীলৈ দিয়া পত্ৰত বৰ্দ্ধনে লিখিছে, ধূমপানহীন দ্ৰব্য ব্যৱহাৰকাৰীয়ে জনসাধাৰণৰ মাজতে থু পেলোৱাৰ প্ৰৱনতা আছে৷ বিশেষকৈ ক’ভিড-১৯ৰ দৰে সংক্ৰামক ৰোগ বিয়পোৱাত স্বাস্থ্যৰ বাবে বিপদ আহি পৰে৷ ধোঁৱাহীন ধঁপাতে পৰিৱেশ দূষিত কৰে আৰু ৰোগ বিয়পাব পাৰে৷ এনে দ্ৰব্যই ক’ভিডৰ দৰে ৰোগত বিপদজনক হৈ পৰে৷ ১১ মে’ৰ চিঠিত কেন্দ্ৰীয় মন্ত্ৰীজনে জোৰ দিছিল যে বিশ্বজুৰি ধঁপাত ব্যৱহাৰ জনস্বাস্থ্যৰ বাবে বৃহৎ ক্ষতি৷ তেওঁ ইণ্ডিয়ান কাউঞ্চিল অব মেডিকেল ৰিচাৰ্চে জনসাধাৰণৰ ওচৰত ধূমপানহীন দ্ৰব্য সেৱন আৰু থু নেপেলাবলৈ আবেদন কৰাৰ কথা উল্লেখ কৰে৷ ৰাজ্য আৰু কেন্দ্ৰীয়শাসিত অঞ্চলবোৰে এনে দ্ৰব্য নিষিদ্ধ কৰি স্বচ্ছ ভাৰত অভিযানতো কাম কৰা হ’ব৷ উল্লেখ্য যে ৰাজস্থান চৰকাৰে এক অধ্যাদেশ যোগে ক’ৰোনা ৰোধৰ ক্ষেত্ৰত পান, গুটকা আৰু ধঁপাত বিক্ৰী বন্ধ কৰাৰ লগতে ৰাজহুৱা ঠাইত থু পেলোৱা নিষিদ্ধ কৰিছে৷