কেন্দ্ৰীয় মন্ত্ৰী সৰ্বানন্দ সোণোৱালে উল্লেখ কৰে-
“বকুলৰ কথা ক’লে বহুতো চিনাকি মুখ
চকুৰ আগেদি ভাঁহি যায়
বহুতো পাহৰা গান
বহু মান-অভিমান বকুলেই দিয়ে সোঁৱৰায়।
শ্ৰদ্ধাৰ ড° বীৰেন্দ্ৰনাথ দত্তদেৱে কণ্ঠদান কৰি যোৱা গভীৰ অৰ্থপূৰ্ণ গীতবোৰে আমাৰ হৃদয়ত গভীৰ সাঁচ বহুৱাই ৰাখিছে। এগৰাকী শিক্ষাবিদ, লোকসংস্কৃতিৰ গৱেষক তথা সাহিত্যিক হিচাপেও সমাদৃত দত্তদেৱৰ বিয়োগ অসমীয়া সাহিত্য-সংস্কৃতি জগতৰ বাবে এক অপূৰণীয় শূন্যতা।
কেঁচামাটিৰ সৈতে সম্পৃক্ত তেখেতৰ অতুলনীয় সৃষ্টিৰাজি প্ৰতিজন অসমীয়াৰ বুকুত সজীৱ হৈ থাকিব।
এই শোকস্তব্ধ মুহূৰ্তত ড° বীৰেন্দ্ৰনাথ দত্তদেৱৰ পৰিয়ালবৰ্গ আৰু গুণমুগ্ধসকললৈ গভীৰ সমবেদনা জ্ঞাপন কৰিলোঁ আৰু তেখেতৰ বিদেহ আত্মাৰ সদ্গতি কামনা কৰিলোঁ। ঔঁ শান্তি।”