অযোধ্যাৰ ৰাম মন্দিৰ নিৰ্মাণক লৈ দেশবাসীৰ অভূতপূৰ্ব সহাৰি : ৰাম মন্দিৰৰ ভূমি পুজনক লৈ গুৱাহাটীত পূজা অৰ্চনা

দৈনন্দিন বাৰ্তা ডেস্ক : দেশৰ পাচশ বছৰীয়া প্ৰতীক্ষাৰ অন্তত অযোধ্যাত ৰাম মন্দিৰ নিৰ্মাণক লৈ ব্যাপক প্ৰস্তুতি আৰম্ভ হৈছে৷ দেশৰ প্ৰধানমন্ত্ৰী নৰেন্দ্ৰ মোদীয়ে ভূমি পূজন কৰিলে৷ ইয়াকে লৈ দেশবাসী জনসাধৰণে যথেষ্ট উৎসাহী হোৱা দেখা গৈছে৷ ইয়াৰ ব্যতিক্ৰম নহয় গুৱাহাটী মহানগৰী৷ আজি মধ্য গুৱাহাটী উন্নয়ন সমিতিয়ে ৰাম মন্দিৰ নিৰ্মাণৰ ভূমি পূজাক লৈ পল্টন বজাৰত এক পূজা-অৰ্চনা অনুষ্ঠানৰ আয়োজন কৰে৷ পূজা অনুষ্ঠানত প্ৰাক্তন সাংসদ ৰমেন ডেকা, মধ্য গুৱাহাটী উন্নয়ন সমিতিৰ সাধাৰণ সম্পাদক ৰাজীৱ দাস উপস্থিত থাকে৷ এই সন্দৰ্ভত ৰমেন ডেকাই কয় ভগৱান ৰামচন্দ্ৰই সমগ্ৰ দেশবাসীৰ মাজত শান্তি-সম্প্ৰতি কঢ়িয়াই আনিব সেয়া তেওঁ ইশ্বৰৰ ওচৰত প্ৰাৰ্থনা জনায়৷ উল্লেখ্য যে পল্টন বজাৰ বিভিন্ন স্তৰৰ প্ৰায় শতাধিক ভক্তপ্ৰাণ ৰাইজে পূজাস্থলিত উপস্থিত থাকি দেশৰ মংগলৰ কাৰণে ভগৱান ৰামচন্দ্ৰৰ ওচৰত আশীৰ্বাদ লয়৷ সন্ধিয়া মধ্য গুৱাহাটী উন্নয়ন সমিতিৰ তৰফৰ পৰা কেইবা শতাধিক বন্তি প্ৰজ্বালন কৰা হ’ব বুলি সাধাৰণ সম্পাদক ৰাজীব দাসে জনায়৷