গুৱাহাটী
চলিত বছৰৰ ইউপিএছছি পৰীক্ষাৰ দিন আজি ঘোষণা কৰে৷ ইউপিএছছিৰ চিভিল ছাৰ্ভিচৰ প্ৰিলিমিনেৰী বা প্ৰাৰম্ভিক পৰীক্ষা অহা ১৪ অক্টোবৰত অনুষ্ঠিত হ’ব৷ চিভিল ছাৰ্ভিচ মেইন অৰ্থাৎ মূল পৰীক্ষা হ’ব ২০২১ চনৰ ৮ জানুৱাৰীত৷ ইণ্ডিয়ান ফৰেষ্ট ছাৰ্ভিচেজ বা আইএফএছৰ প্ৰাৰম্ভিক পৰীক্ষা ইউপিএছছিৰ প্ৰাৰম্ভিক পৰীক্ষাৰ লগত একেলগে হ’ব৷ ইয়াৰ মেইন পৰীক্ষা ২৮ ফেব্ৰুৱাৰীত অনুষ্ঠিত হ’ব৷ উল্লেখ্য যে তিনিভাগত বিভক্ত চিভিল ছাৰ্ভিচ পৰীক্ষাৰ শেষৰ স্তৰটো হ’ল সাক্ষাৎকাৰ৷ আইএএছ, আইএফএছ আৰু আইপিএছত নিয়োগ কৰা হয় এই পৰীক্ষাৰ জৰিয়তে৷ ২০২০ চনৰ বাবে ৭৯৬টা পদত পৰীক্ষা হ’ব৷ উল্লেখ্য যে যোৱা মাৰ্চ মাহত ইউপিএছছিৰ প্ৰিলিমিনেৰী পৰীক্ষা হোৱাৰ কথা আছিল৷ কিন্তু দেশত ক’ভিড-১৯ আৰু তাৰ বাবে লকডাউন দিয়াত এই পৰীক্ষা বন্ধ হয়