দৈনন্দিন বাৰ্তা স্প’ৰ্টছ ডেস্ক
ক’ৰোনা ভাইৰাছৰ বাবে দিয়া লকডাউনৰ ফলত সকলো ক্ষেত্ৰতে বন্ধ৷ এতিয়া কিছু শিথিল হ’লেও বহু উদ্যোগ খণ্ড এতিয়াও বন্ধ হৈ আছে৷ আনহাতে যি সময়ত অৰ্থনৈতিক অৱস্থা বেয়াৰ দিশে গতি কৰিছে সেই একে সময়তে ভাৰতীয় দলৰ অধিনায়ক বিৰাট কোহলিৰ উপাৰ্জন থমকি ৰোৱা নাই৷ ঘৰতে বহিয়ে কোহলি হৈ আছে কোটিপতি৷ কেৱল ইনষ্টাগ্ৰামত প’ষ্টত থাকিয়ে কোহলিয়ে ভাৰতীয় মুদ্ৰা হিচাপত আয় কৰিছে ৩ কোটি ৬৫ লাখ টকা৷ সমগ্ৰ বিশ্ব লকডাউন চলা সময় ১২ মাৰ্চৰ পৰা ১৪ মে’ পৰ্যন্ত বিখ্যাত ক্ৰীড়াবিদসকলে ইনষ্টাগ্ৰামত প’ষ্ট কৰি কিমান উপাৰ্জন কৰিছে তাৰ সমীক্ষা কৰি দহজনৰ তালিকা প্ৰকাশ হৈছে৷ এই তালিকাৰ শীৰ্ষত আছে পৃথিৱীৰ কোটি কোটি লোকৰ প্ৰিয় ফুটবল খেলুৱৈ ক্ৰিষ্টিয়ানো ৰনাল্ডো৷ ভাৰতীয় মুদ্ৰাৰ হিচাপত ৰনাল্ডোৰ আয় ১৮ কোটি টকা৷ দ্বিতীয় স্থানত লিৱনাল মেছি৷ তেওঁৰ ভাৰতীয় মুদ্ৰাৰ হিচাপত আয় ১২ কোটি টকা৷ ব্ৰাজিলৰ তাৰকা ফুটবলাৰ নেইমাৰৰ আয় ১১ কোটি টকা৷ তাৰ পাছত বাস্কেটবল খেলুৱৈ ছাকিল ৱ’নীলে ৫.৬০ কোটি, বেকহামে ৩.৮৯ কোটি, কোহালিয়ে ৩.৬৫ কোটি, জ্লাটানে ১.৭৭ কোটি, ৱেডে ১.৩৮ কোটি, আলভেছে ১.২৯ কোটি, জোছুৱাৰে ১.১৭ কোটি টকা আয় কৰিছে৷