অহা ২৫ জানুৱাৰীত মুক্তি পাবলগীয়া শ্বাহৰুখ খানৰ পাঠনৰ বিৰুদ্ধে অসমত বজৰং দলৰ হিংসাত্মক প্ৰতিবাদৰ মাজতে মুখ্যমন্ত্ৰী ড° হিমন্ত বিশ্ব শৰ্মাই কয়- “শ্বাহৰুখ খান কোন? মই তেওঁৰ বা তেওঁৰ ছবি পাথানৰ বিষয়ে একো নাজানো।” অসমীয়া ছবি ড° বেজবৰুৱা -২য় খণ্ডও মুক্তি পাব আৰু অসমৰ ৰাইজে চাব লাগে।
মুখ্যমন্ত্ৰী গৰাকীয়ে কয় যে প্ৰতিবাদ হ’লে বলীউডৰ বহু তাৰকাই নিজৰ ছবি মুক্তিৰ পূৰ্বে তেওঁৰ ওচৰলৈ ফোন কৰে যদিও শ্বাহৰুখ খানে তেওঁক ফোন কৰা নাই। “খানে মোক ফোন কৰা নাই, যদিও বলীউডৰ বহুতেই তেনে কৰে, সমস্যা সন্দৰ্ভত। কিন্তু যদি কৰে তেন্তে মই বিষয়টো চাম। আইন-শৃংখলা উলংঘা কৰি গোচৰ ৰুজু হ’লে ব্যৱস্থা গ্ৰহণ কৰা হ’ব।”-মুখ্যমন্ত্ৰী
বেশৰাম ৰং গীতত দীপিকাক কেশৰ বিকিনি পিন্ধা দেখা পোৱাৰ বাবে হিন্দুত্ববাদী গোষ্ঠীৰ প্ৰতিবাদৰ সন্মুখীন হ’বলগীয়া হৈছে পাথানে। প্ৰতিবাদৰ পিছত চেন্সৰ ব’ৰ্ডে কেইটামান পৰিৱৰ্তনৰ পৰামৰ্শ দিছিল আৰু এতিয়া ছবিখনে বহু হুলস্থুলৰ মাজতে পৰ্দাত মুক্তি পাবলৈ সাজু হৈছে।
বজৰং দলে কয় যে ছবিখনে হিন্দু ধৰ্মক “অপমান” কৰাৰ বাবে ছবিখন গুজৰাটত মুক্তিৰ অনুমতি নিদিয়ে। গুজৰাটৰ মাল্টিপ্লেক্সৰ মালিকসকলে ৰাজ্যৰ প্ৰেক্ষাগৃহলৈ সুৰক্ষা বিচাৰিছে।