Breaking

স্থগিত হ’ব নেকি টি-২০ বিশ্বকাপ ?

0 82

বিশ্ব ক্ৰীড়াংগণত মহামাৰী ক’ৰোনা ভাইৰাছৰ দুঃপ্ৰভাৱ৷ ২০২০ চনটো বিশ্ব ক্ৰীড়াৰ বাবে গৌৰৱোজ্বল হোৱাৰ আশা আছিল৷ এই বৰ্ষতে আয়োজন কৰা হয় কেবাখনো মেগা ইভেণ্ট৷ কিন্তু ক’ৰোনা মহামাৰীৰ বাবে এতিয়া ইখনৰ পাছত সিখন প্ৰতিযোগিতা স্থগিত কৰিবলৈ বাধ্য হৈ পৰিছে৷ ইতিপূৰ্বে টকিঅ’ অলিম্পিক এবছৰলৈ স্থগিত হ’ল৷ এইবাৰ অক্টোবৰ-নৱেম্বৰত অষ্ট্ৰেলিয়াত হ’বলগীয়া আইচিচি টি-২০ বিশ্বকাপো স্থগিত হোৱাৰ প্ৰচুৰ সম্ভাৱনা আছে৷ আয়োজক কমিটিৰ এগৰাকী বিষয়াৰ মতে টি-২০ বিশ্বকাপ স্থগিত হোৱাতো প্ৰায় নিশ্চিত বুলিব পাৰি৷ সম্ভৱতঃ অহা সপ্তাহত আনুষ্ঠানিকভাৱে এই ঘোষণা কৰিব৷ ক’ৰোনা মহামাৰীৰ ভয়াৱহতাৰ বাবে এই সিদ্ধান্ত লোৱা হ’ব৷ ২৬ আৰু ২৮ মে’ত আন্তঃৰাষ্ট্ৰীয় ক্ৰিকেট কাউন্সিলৰ সদস্য ব’ৰ্ডসমূহে অংশ ল’ব টেলিকনফাৰেন্সত৷ ইয়াতেই টি-২০ বিশ্বকাপ স্থগিত কৰাৰো আনুষ্ঠানিক সিদ্ধান্ত গ্ৰহণ কৰাৰ পূৰ্ণ সম্ভাৱনা আছে৷ তদুপৰি এই কনফাৰেন্সত আইচিচিৰ নিৰ্বাচনৰ দিন আৰু নিৰ্বাচন প্ৰক্ৰিয়াৰ লগতে ক্ৰিকেটৰ সৰ্বোচ্চ ব’ৰ্ডখনৰ নতুন অধ্যক্ষ পদৰ বাবে মনোনয়ন দাখিল কৰা অন্তিম দিনো নিৰ্ধাৰণ কৰা হ’ব৷ আনহাতে টি-২০ বিশ্বকাপ স্থগিত হ’লে এই সংস্কৰণটো  পৰৱৰ্তী সময়ত কেতিয়ালৈ অনুষ্ঠিত কৰিব, সেই সন্দৰ্ভতো আলোচনা কৰাৰ সম্ভাৱনা আছে৷

Leave A Reply