আজিৰে পৰা আৰম্ভ মহিলা টি-২০ বিশ্বকাপ। দক্ষিণ আফ্ৰিকাত অনুষ্ঠিত হ’বলগীয়া এই বিশ্বকাপত ভাৰতীয় দলটোৱে দেওবাৰে পাকিস্তানৰ বিৰুদ্ধে প্ৰথমখন খেল খেলিব। এই খেলখন কেপ টাউনৰ নিউলেণ্ডছ ষ্টেডিয়ামত অনুষ্ঠিত হ’ব। ভাৰতীয় সময় অনুসৰি এই খেলখন সন্ধিয়া ৬:৩০ বজাৰ পৰা আৰম্ভ হ’ব। দুয়োটা তীক্ষ্ণ প্ৰতিদ্বন্দ্বী দলে ইজনে সিজনৰ বিৰুদ্ধে প্ৰতিযোগিতাখন আৰম্ভ কৰিব। ভাৰত আৰু পাকিস্তানৰ মাজত মুখামুখি পৰিসংখ্যা আৰু দুয়োটা দলৰ সম্ভাৱ্য খেলাৰ বিষয়ে জানক…
এই পৰ্যন্ত মহিলা ভাৰতীয় দল আৰু পাকিস্তানৰ মাজত মুঠ ১৩খন টি-২০ আন্তঃৰাষ্ট্ৰীয় খেল অনুষ্ঠিত হৈছে। ভাৰতীয় দলটোৱে ১০খন খেলত জয়লাভ কৰিছে। আনহাতে পাকিস্তানে মাত্ৰ তিনিখন মেচত জয়লাভ কৰিছে। এনে পৰিস্থিতিত এই মেচতো ভাৰতৰ জয়ৰ সম্ভাৱনা অধিক দেখা যায়।
খেলৰ পূৰ্বে ভাৰতীয় দলৰ বাবে বেয়া খবৰ
ভাৰত-পাক খেলৰ পূৰ্বে মহিলা ভাৰতীয় দলৰ বাবে স্মৃতি মান্ধনাৰ ৰূপত এটা বেয়া খবৰ চৰ্চালৈ আহিছে। এই মেচত আঙুলিৰ আঘাতৰ বাবে দলৰ বাহিৰত থাকিব পাৰে মান্ধনা। দলৰ মূল খেলুৱৈ মান্ধনা। এনে পৰিস্থিতিত তেওঁৰ প্ৰস্থানে দলৰ বেটিঙত যথেষ্ট পাৰ্থক্য আনিব পাৰে।
ভাৰত – যস্তিকা ভাটিয়া, শ্বেফালি ভাৰ্মা, জেমিমা ৰড্ৰিগেছ, দেৱীকা বৈদ্য, হৰমনপ্ৰীত কৌৰ (অধিনায়ক), ৰিচা ঘোষ (উইকেটকীপাৰ), দীপ্তি শৰ্মা, পূজা বস্ত্ৰকাৰ, ৰেনুকা সিং, ৰাধা যাদৱ আৰু শিখা পাণ্ডে।
পাকিস্তান – সিদ্ৰা আমিন, জাভেৰিয়া খান, বিছমাহ মাৰুফ (কেপ্তেইন), মুনিবা আলী, নিদা দাৰ, আয়েছা নাছিম, সাদাফ ছামাছ, আলিয়া ৰিয়াজ, সিদ্ৰা নৱাজ, আইমান আনোৱাৰ আৰু নশ্ৰা সন্ধু।