Breaking

কানাডাৰ পৰা বিশেষ বিমানেৰে বৰঝাৰ বিমান বন্দৰলৈ আহিল ৫,২৭৪ কেজি অক্সিজেন

0 2,052

ক’ভিড কেন্দ্ৰীক পৰিস্থিতিত আক্ৰান্ত লোকসকল চিকিৎসালয়ত যাতে অক্সিজেনৰ নাটনীত ভুগিব লগা নহয় তাৰ বাবে  ইণ্ডিয়ান ৰেডক্ৰছ ছচাইটিয়েও বিশেষ ব্যৱস্থা গ্ৰহণ কৰিছে । এই ব্যৱস্থাৰ অধীনত ইণ্ডিয়ান ৰেডক্ৰছ ছচাইটিয়ে চিকিৎসালয় সমূহত ৰোগীৰ বাবে  প্ৰয়োজনীয়  অক্সিজেনৰ ব্যৱহাৰ সুচল কৰিবৰ বাবে সুদূৰ কানাডাৰ পৰা ভাৰতলৈ বিমানেৰে  অক্সিজেন কনচুলেটৰ অনাৰ ব্যৱস্থা কৰিছে  । আজি  পূৱতি নিশা অসমৰ বাবে কানাডাৰ পৰা এখন বিশেষ বিমান নতুন দিল্লীহৈ গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰত অৱতৰণ কৰে । কানাডাৰ ভল্গা ডেনইপিৰ নামৰ বিমান সংস্থাটোৱে আই এল – ৭৬ বিমানখন সন্ধিয়াৰ  ভাগত প্রথমতে নতুন দিল্লীত অৱতৰণ কৰে । তাত যাবতীয় অক্সিজেন কনচুলেটৰ নমোৱাৰ পাচত পুনৰ মাজনিশা বৰঝাৰ অভিমুখে উৰা মাৰে আৰু পুৱতি নিশা ২.৪৫ বজাত বৰঝাৰত অৱতৰণ কৰে । আনহাতে ৫,২৭৪ কেজি ওজন অক্সিজেন লৈ অহা কনচুলেটৰ খিনী সদ্যহতে গুৱাহাটীৰ উপৰি ক’ভিডৰ সংক্ৰমণ বৃদ্ধি পোৱা শিলচৰ আৰু কৰিমগঞ্জত ৰখা হব । স্বাস্থ্য বিভাগৰ সূত্ৰই সদৰি কৰা অনুসৰি এই অক্সিজেন কনচুলেটৰ সমূহ সহজতে যতে ততে নি ৰোগীক সংযোগ কৰিব পাৰি  ।

Leave A Reply