আজিৰে পৰা আৰম্ভ হ’ল পাহাৰ-ভৈয়ামৰ সম্প্ৰীতিৰ নিদৰ্শন জোনবিল মেলা। তিনিদিনীয়া কাৰ্যসূচীৰে মৰিগাওঁ জিলাৰ জাগীৰোডৰ ওচৰৰ জংবিলৰ পাৰত থকা দয়াং বেলগুৰিত জোনবিল মেলাখন বৃহস্পতিবাৰৰ অৰ্থাৎ ২১ জানুৱাৰিৰ পৰা আৰম্ভ হৈছে।
এই তিনিদিনত ওচৰৰ পাহৰৰ পৰা নামি অহা গ্ৰাম্য মামা-মামীসকলে অনা ভৈয়ামৰ ৰাইজৰ সৈতে প্ৰয়োজনীয় সামগ্ৰী বিনিময় কৰে। আজিৰে পৰা বিভিন্ন কাৰ্যসূচীৰে আৰম্ভ হোৱা জোনবিল মেলাখনত দুপৰীয়া ভাগত গোভা ৰজাই ডা-ডাঙৰীয়াসকলৰ সৈতে জোনবিলৰ মাছেৰে ভোজ-ভাত খাব। ইয়াৰ লগতে, তিৱা নৃত্য-গীতেৰে মুখৰিত হ’ব জোনবিলৰ পাৰ। উক্ত অনুষ্ঠানত, ২৩ জানুৱাৰীৰ কাৰ্যসূচীত মুখ্যমন্ত্ৰী সৰ্বানন্দ সোণোৱালেও অংশগ্ৰহণ কৰাৰ সম্ভাৱনা আছে।
ক’ভিড মহামাৰীৰ বাবে এই বৰ্ষত মুকলি মেলা আৰু সাংস্কৃতিক কাৰ্য অনুষ্ঠিত কৰা নহ’ব। তাৰোপৰি, কভিড প্ৰটকল মানি জোনবিল মেলাখন অনুষ্ঠিত কৰা হৈছে বুলিও মন্তব্য কৰে আয়োজক সমিতিয়ে।