চকু আমাৰ শৰীৰৰ এক অতি গুৰুত্বপূৰ্ণ অংশ, চকুৰ যত্ন লোৱাটো অতি প্ৰয়োজনীয়।(Eyes) ইয়াৰ বাহিৰেও চকুৰ পুষ্টিকৰ উপাদানৰ অভাৱ, বিশেষকৈ ভিটামিন এৰ অভাৱত চকুৰ সমস্যা হ’ব পাৰে। ভিটামিন এ চকুৰ স্বাস্থ্যৰ বাবে অপৰিহাৰ্য পুষ্টিকৰ উপাদান আৰু ইয়াৰ অভাৱত ৰাতি অন্ধতা, চকু শুকান আৰু দৃষ্টিশক্তিৰ লগতে অন্যান্য সমস্যা হ’ব পাৰে। ভিটামিন এ সমৃদ্ধ খাদ্য খাদ্য তালিকাত অন্তৰ্ভূক্ত কৰাটো অতি প্ৰয়োজনীয়।(Vitamin A Rich Food For Eyes)
ভিটামিন এৰ অভাৱৰ লক্ষণ-
১) ৰাতি বা কম পোহৰত দেখাত অসুবিধা হোৱা ৷
২/ চকু শুকান
৩) চকুত জ্বলা-পোৰা বা খজুৱতি
৪/ দৃষ্টিশক্তি ম্লান হোৱা
৫/ চকুৰ ক্লান্তি
৬) সঘনাই চকুৰ সংক্ৰমণ
ভিটামিন এ সমৃদ্ধ ৫ টা খাদ্য-
চকুক সুস্থ কৰি ৰাখিবলৈ আৰু ভিটামিন এৰ অভাৱৰ পৰা হাত সাৰিবলৈ এই ৫ টা খাদ্য সামগ্ৰী আপোনাৰ খাদ্য তালিকাত অন্তৰ্ভুক্ত কৰক
১/ বিলাহী
বিলাহীত ভিটামিন এৰ এক বৃহৎ উৎস। ইয়াৰ উপৰিও ইয়াত বিটা-কেৰটিন থাকে, যিটো শৰীৰত ভিটামিন এলৈ ৰূপান্তৰিত হয়। বিলাহী খালে চকুৰ দৃষ্টিশক্তি বৃদ্ধি পায় আৰু চকুৰ পুষ্টি লাভ কৰে।
২/ মিঠা আলু
মিঠা আলুতো প্ৰচুৰ পৰিমাণে বিটা-কেৰটিন থাকে, যিটো চকুৰ স্বাস্থ্যৰ বাবে উপকাৰী। ইয়াৰ উপৰিও ভিটামিন চি, পটাছিয়াম, আঁহ আদিও ভাল উৎস।
৩/ পালেং
পালেং আৰু অন্যান্য সেউজীয়া পাতৰ শাক-পাচলিত লুটিন আৰু জিএক্সান্থিনৰ দৰে এন্টিঅক্সিডেন্ট প্ৰচুৰ পৰিমাণে থাকে, যিয়ে চকুক অক্সিডেটিভ ক্ষতিৰ পৰা ৰক্ষা কৰাত সহায় কৰে। এই পুষ্টিকৰ উপাদানসমূহে চকুৰ সমস্যা যেনে চকুৰ ছানি পৰা আৰু বয়সৰ লগত জড়িত মেকুলাৰ ডিজেনেৰেচনৰ সম্ভাৱনাও হ্ৰাস কৰে।
৪/ কণী
কণীত ভিটামিন এ, লুটিন, জিএক্সান্থিন আদি পোৱা যায়। এই পুষ্টিকৰ উপাদানসমূহে চকুৰ স্বাস্থ্য বজাই ৰখাত সহায় কৰে আৰু দৃষ্টিশক্তি উন্নত কৰে।
৫) গাখীৰ আৰু দুগ্ধজাত সামগ্ৰী
দুগ্ধজাত সামগ্ৰী যেনে গাখীৰ, দৈ, পনিৰ আদিও ভিটামিন এৰ ভাল উৎস। ইয়াৰ উপৰিও হাড় আৰু চকুৰ স্বাস্থ্যৰ বাবে অপৰিহাৰ্য কেলচিয়াম আৰু অন্যান্য গুৰুত্বপূৰ্ণ পুষ্টিকৰ উপাদান থাকে।
কেনেকৈ চকুৰ যত্ন ল’ব-
১/ ছানগ্লাছ পিন্ধক
ৰ’দত ওলাই যাওঁতে সদায় ছানগ্লাছ পৰিধান কৰি চকুক ক্ষতিকাৰক UV ৰশ্মিৰ পৰা ৰক্ষা কৰিব লাগে।
২) পৰ্দাৰ সময় হ্ৰাস কৰক
কম্পিউটাৰ, মোবাইল, টিভিৰ পৰ্দাত বেছি সময় কটোৱাৰ পৰা বিৰত থাকক।
৩/ নিয়মীয়াকৈ চকুৰ পৰীক্ষা কৰাব লাগে
চকুৰ সমস্যা সময়মতে ধৰা পেলাবলৈ আৰু চিকিৎসা কৰিবলৈ নিয়মিতভাৱে চকু পৰীক্ষা কৰাব লাগে।
