মহিলাৰ জীৱন অতি কঠিন কাৰণ হৰম’নৰ ভাৰসাম্যহীনতাই তেওঁলোকৰ বহু স্বাস্থ্যজনিত সমস্যাৰ সৃষ্টি কৰিব পাৰে। কিন্তু সঠিক জীৱনশৈলী, (Hormonal problems) খাদ্যাভ্যাস আৰু চিকিৎসকৰ পৰামৰ্শৰ দ্বাৰা এনে সমস্যাবোৰ নিয়ন্ত্ৰণ কৰিব পৰা যায়।মহিলাৰ শৰীৰত হৰম’নৰ ভাৰসাম্যতা অতি গুৰুত্বপূৰ্ণ কাৰণ ই কেৱল মাহেকীয়াই নহয়, সামগ্ৰিক স্বাস্থ্যৰ ওপৰতো প্ৰভাৱ পেলায়। হৰম’নৰ ভাৰসাম্যহীনতাই বহুতো স্বাস্থ্যজনিত সমস্যাৰ সৃষ্টি কৰিব পাৰে, যেনে- ওজন বৃদ্ধি, অনিয়মিত মাহেকীয়া, মেজাজৰ পৰিৱৰ্তন আৰু প্ৰজনন ক্ষমতাৰ সমস্যা। মহিলাৰ ৫টা সাধাৰণ হৰম’নৰ সমস্যা আৰু ইয়াৰ সমাধানৰ বিষয়ে জানো আহক-
১) পলিচিষ্টিক অভাৰী চিনড্ৰম (PCOS)
পিচিঅ’এছ হৈছে এক সাধাৰণ হৰম’ন বিকাৰ, য’ত ডিম্বাশয়ত সৰু সৰু চিষ্ট (গুটি) গঠন হয়, যাৰ ফলত মাহেকীয়া অনিয়মিত হয় আৰু প্ৰজনন ক্ষমতাত প্ৰভাৱ পৰে।
পিচিঅ’এছৰ লক্ষণ
-অনিয়মিত মাহেকীয়া
-ওজন বৃদ্ধি
-মুখত অবাঞ্চিত চুলি
-ব্ৰণ
এই সমস্য়া সমাধান
স্বাস্থ্যকৰ খাদ্য খোৱা আৰু ব্যায়াম কৰা
চেনি আৰু কাৰ্বহাইড্ৰেট কমকৈ গ্ৰহণ কৰা
ডাক্তৰৰ পৰামৰ্শ মতে ঔষধ সেৱন কৰা
২/ থাইৰয়ডৰ ভাৰসাম্যহীনতা
থাইৰয়ড গ্ৰন্থিয়ে শৰীৰৰ বিপাকীয় ক্ৰিয়া নিয়ন্ত্ৰণ কৰে। ইয়াৰ অধিক সক্ৰিয় হোৱা (হাইপাৰথাইৰয়ডিজম) বা কম সক্ৰিয় হোৱা (হাইপ’থাইৰয়ডিজম) বহু সমস্যাৰ সৃষ্টি কৰিব পাৰে।
লক্ষণ
-ওজন বৃদ্ধি বা কমি যোৱা
-ভাগৰুৱা আৰু দুৰ্বলতা
-চুলি সৰি পৰে
-ডিপ্ৰেছন বা উদ্বেগ
সমাধান
আয়’ডিন সমৃদ্ধ খাদ্য সেৱন কৰা
মানসিক চাপ ব্যৱস্থাপনা
চিকিৎসকে দিয়া ঔষধ সেৱন কৰা
৩/ ইষ্ট্ৰজেনৰ ভাৰসাম্যহীনতা
ইষ্ট্ৰজেন হৈছে নাৰীৰ হৰম’ন, যাৰ ভাৰসাম্যহীনতাই মাহেকীয়া আৰু প্ৰজনন তন্ত্ৰত প্ৰভাৱ পেলাব পাৰে।
লক্ষণ
-মাহেকীয়াৰ সময়ত প্ৰচণ্ড ৰক্তক্ষৰণ
-মূৰৰ বিষ আৰু মাইগ্ৰেইন
-স্তন ফুলা বা বিষ হোৱা
-মূড ছুইং
সমাধান
-প্ৰচেছড খাদ্য আৰু সৰিয়হৰ সামগ্ৰীৰ সেৱন হ্ৰাস কৰা
-নিয়মিত ব্যায়াম কৰা
-বনৌষধিৰ পৰিপূৰক সেৱন
৪/ ইনচুলিন প্ৰতিৰোধ ক্ষমতা
ইনচুলিন হৰম’নে শৰীৰৰ তেজৰ চেনি নিয়ন্ত্ৰণ কৰে। যেতিয়া শৰীৰে ইনচুলিন সঠিকভাৱে ব্যৱহাৰ কৰিব নোৱাৰে তেতিয়া টাইপ ২ ডায়েবেটিছ আৰু ওজন বৃদ্ধিৰ দৰে সমস্যাৰ সৃষ্টি হ’ব পাৰে।
লক্ষণ
-সঘনাই ভোক অনুভৱ কৰা
-পেটৰ চাৰিওফালে চৰ্বি বৃদ্ধি
-ছালত ক’লা দাগ
সমাধান
-প্ৰটিন আৰু আঁহযুক্ত স্বাস্থ্যকৰ খাদ্য
-মিঠাই আৰু প্ৰচেছড খাদ্য পৰিহাৰ কৰা
-নিয়মিত ব্যায়াম কৰা
৫) ৰজোনিবৃত্তি আৰু হৰম’নৰ পৰিৱৰ্তন
৪০-৫০ বছৰ বয়সত ৰজোনিবৃত্তিৰ সময়ত ইষ্ট্ৰজেন আৰু প্ৰজেষ্টেৰন হৰম’ন হ্ৰাস পায়, যাৰ ফলত বহু লক্ষণ দেখা দিব পাৰে।
লক্ষণ
-হট ফ্লেছ
-টোপনিৰ অভাৱ
-মূড ছুইং
- হাড়ৰ দুৰ্বলতা
সমাধান
-কেলচিয়াম আৰু ভিটামিন ডি গ্ৰহণ কৰা
-যোগ আৰু ধ্যান
-চিকিৎসকৰ পৰামৰ্শ অনুসৰি হৰম’ন ৰিপ্লেচমেণ্ট থেৰাপী (HRT)।
