হোজাইত ইটা ভাটাৰ শ্ৰমিকক ধৰ্ষণৰ অপচেষ্টা কৰি আটক হয় ভাটাৰ ম’হৰি। হোজাইৰ হাৱাইপুৰৰ MS ইটা ভাটাৰ ম’হৰি আতৰ আলিয়ে ভাটাৰ শ্রমিক হিচাপে কাম কৰা এগৰাকী নাবালিকাক ধৰ্ষণৰ অপচেষ্টা চলায়। ঘটনাস্থলিত উপস্থিত হৈ হোজাই আৰক্ষী চকীৰ ভাৰপ্ৰাপ্ত আৰক্ষী বিষয়া গৌতম কুমাৰে মন্তব্য আগবঢ়োৱা অনুসৰি উক্তঘটনা যোৱা দেওবাৰৰ। হোজাই বজাৰলৈ ফুৰিবলৈ গৈ ঘুৰি আহোতে কোনো নথকাৰ সুযোগ গ্ৰহণ কৰি ধৰ্ষণৰ অপচেষ্টা চলায় লম্পট ম’হৰিয়ে। ভুক্তভোগী ছোৱালী জনীয়ে ওচৰৰ গাওঁত দুদিনমান সৰণ লৈ থাকে আৰু বৃস্পতিবাৰে লম্পট যুৱকজনক স্হানীয় ৰাইজে আটক কৰি গটাই দিয়ে আৰক্ষীৰ হাতত। ঘটনাস্থলিত হোজাই আৰক্ষী উপস্থিত হৈ ছোৱালীজনীক উদ্ধাৰ কৰাৰ লগতে চিকিৎসাৰ বাবে প্ৰেৰণ কৰে।
