BIHAR । বিহাৰত নতুন চৰকাৰ গঠনৰ প্ৰক্রিয়া ইতিমধ্যে জোৰদাৰ হৈছে। বিদায়ী মন্ত্ৰীসভাৰ চূড়ান্ত বৈঠক, য’ত মুখ্যমন্ত্ৰী নীতিশ কুমাৰক বিধানসভা ভংগৰ বাবে প্ৰয়োজনীয় পদক্ষেপ গ্ৰহণ আৰু ৰাজ্যপালক সাক্ষাৎ কৰাৰ কৰ্তৃত্ব প্ৰদানৰ প্ৰস্তাৱ গৃহীত হোৱাৰ সম্ভাৱনা আছে। কেবিনেট সচিবালয় বিভাগে এক অধিসূচনাৰ মাধ্যমে আজিৰ বৈঠকৰ কথা জানাইছে।
ইতিমধ্যে মুখ্য নিৰ্বাচনী বিষয়াৰ বিনোদ সিং গুঞ্জিয়াই ৰাজ্যপাল আৰিফ মহম্মদ খানক নৱনিৰ্বাচিত সদস্যৰ তালিকা প্ৰদান কৰিছে। এন ডি এ-ৰ পুনৰ উত্থানৰ পিছত অতি শীঘ্ৰে নতুন চৰকাৰ গঠনৰ দিশে আগবাঢ়িছে বিহাৰ।
বিহাৰ বিধানসভা নির্বাচন: দুয়োশৰ ওপৰত আসন, অভূতপূৰ্ব জয় এন ডি এ-ৰ
এইবাৰ ২৪৩ সদস্যৰ বিধানসভাত এন ডি এ গঠনে ২০২খন আসন লাভ কৰি বিপুল সফলতা অর্জন কৰে।
- বিজেপি: ৮৯
- জেডিইউ: ৮৫
- এলজেপি (ৰাম বিলাস): ১৯
- হিন্দুস্তানী আওয়াম মৰ্চা: ৫
- ৰাষ্ট্ৰীয় লোক মৰ্চা: ৪
এই ফলাফলৰ জড়িয়তে বিৰোধী মহাগঠবন্ধন সম্পূৰ্ণৰূপে বিধ্বস্ত হয়।
নতুন চৰকাৰ: ১৯ বা ২০ নৱেম্বৰত শপত গ্ৰহণ সম্ভাৱনা
দিল্লীত বিজেপিৰ শীৰ্ষ নেতৃত্বৰ সৈতে জেডিইউৰ কার্যকৰী সভাপতি সঞ্জয় কুমাৰ ঝাৰ আলোচনা সমাপ্ত হোৱাৰ পাছত নতুন চৰকাৰ গঠনৰ ক্ষেত্ৰত পথ সলনি হৈছে। সূত্ৰ অনুসৰি ১৯ বা ২০ নৱেম্বৰত নীতিশ কুমাৰ নেতৃত্বাধীন নতুন চৰকাৰে শপত গ্ৰহণ কৰিব পাৰে।
শপত গ্ৰহণ অনুষ্ঠানত প্ৰধানমন্ত্ৰী নৰেন্দ্ৰ মোদীৰ উপস্থিতি প্রায় নিশ্চিত বলিও জেডিইউ সূত্রে জনোৱা হৈছে।
নতুন মন্ত্ৰীসভা: অধিক প্রতিনিধি, ভাগবতৰা প্ৰায় চূড়ান্ত
সূত্ৰ অনুসৰি নতুন মন্ত্ৰীসভাত—
- বিজেপিৰ পৰা ১৫–১৬জন,
- জেডিইউৰ পৰা ১৪জন,
- এলজেপি-ৰাম বিলাসৰ পৰা ৩জন,
- হিন্দুস্তানী আওয়াম মৰ্চা আৰু ৰাষ্ট্ৰীয় লোক মৰ্চাৰ পৰা এজনকৈ সদস্যে স্থান পোৱাৰ সম্ভাৱনা আছে।
নতুন চৰকাৰৰ গঠন আৰু শপত গ্ৰহণ এতিয়া সময়ৰ অপেক্ষা মাত্র।
