পশ্চিম (LPG Tankers) এছিয়াৰ সংকটৰ মাজতে ভাৰতৰ বাবে এক ভাল খবৰ। ইৰাণে হৰমুজ জলদ্বীপৰ মাজেৰে পাৰ হ’বলৈ দুখন এল পি জি টেংকাৰৰ অনুমতি প্ৰদান কৰিছে। ইয়াৰ ফলত বিগত কিছুদিন ধৰি গেছৰ নাটনিৰ সন্মুখীন হোৱা ভাৰতে যথেষ্ট সকাহ পাব। ইতিমধ্যে অনুমতি লাভ কৰি ভাৰতৰ শিৱালিক নামৰ টেংকাৰখন ৰাওনা হৈছে।
ৰয়টাৰৰ এক প্ৰতিবেদন অনুসৰি ইৰাণে ভাৰতৰ পতাকা থকা এল পি জি টেংকাৰ দুখন হৰমুজ জলদ্বীপৰ মাজেৰে পাৰ হোৱাৰ অনুমতি প্ৰদান কৰিছে। এই পদক্ষেপে দেশৰ ৰন্ধন গেছৰ সংকট কিছু পৰিমাণে দূৰ কৰাত সহায় কৰিব পাৰে। খবৰ অনুসৰি চৌদি আৰৱৰ তেল কঢ়িয়াই অনা এখন খাৰুৱা তেল টেংকাৰে ১ মাৰ্চৰ আশে-পাশে জলদ্বীপৰ মাজেৰে পাৰ হৈ শনিবাৰে (১৪ মাৰ্চ, ২০২৬) ভাৰতত উপস্থিত হোৱাৰ সম্ভাৱনা আছে।
ইয়াৰ পূৰ্বে ভাৰতত থকা ইৰাণৰ ৰাষ্ট্ৰদূত মহম্মদ ফাথালীয়ে কৈছিল যে ২-৩ ঘণ্টাৰ ভিতৰত ভাৰতীয় জাহাজ হৰমুজ জলদ্বীপৰ মাজেৰে নিৰাপদভাৱে পাৰ হ’ব। ভাৰত আৰু ইৰাণক ভাল বন্ধু বুলিও অভিহিত কৰে।
শেহতীয়াকৈ প্ৰধানমন্ত্ৰী মোদীয়ে ইৰাণৰ ৰাষ্ট্ৰপতি ড০ মাছুদ পেজেছকিয়ানৰ সৈতে কথা পাতিছিল। এই কথা-বতৰাৰ কথা উল্লেখ কৰি প্ৰধানমন্ত্ৰী মোদীয়ে তেওঁৰ ছ’চিয়েল মিডিয়া প্লেটফৰ্ম ‘এক্স’ত লিখিছে যে তেওঁ অঞ্চলটোৰ ভয়াৱহ পৰিস্থিতিৰ বিষয়ে আলোচনা কৰি ভাৰতৰ নাগৰিকৰ সুৰক্ষা আৰু ভাৰতৰ সৰ্বোচ্চ অগ্ৰাধিকাৰ সামগ্ৰী আৰু শক্তিৰ নিৰ্বিঘ্নে চলাচলৰ বিষয়ে ৰাষ্ট্ৰপতিৰ আগত অৱগত কৰে।
