গৌৰৱ গগৈ আৰু তেওঁৰ পত্নী পাকিস্তানী এজেণ্ট নহয় – পাকিস্তানৰ মিডিয়াই দিলে এইবাৰ ক্লীনশ্বীট।(Gaurav Gogoi)
সন্দেহজনক বেদখলকাৰীক উচ্ছেদ কৰাৰ বাবে অসমৰ মুখ্যমন্ত্ৰী হিমন্ত বিশ্ব শৰ্মাক মুছলমান বিৰোধী সজাই পাকিস্তানৰ জনপ্ৰিয় সংবাদ মাধ্যম আফকৰ ডিজিটেলত গৌৰৱ গগৈৰ পত্নীৰ পাকিস্তান লিংক সম্পৰ্কক লৈ এটা বিশেষ খণ্ড প্ৰচাৰ হয়।
এই খণ্ডটোত মুখ্যমন্ত্ৰীক কঠোৰ সমালোচনা কৰি নিউজ এংকৰ গৰাকীয়ে উল্লেখ কৰে যে গৌৰৱ গগৈ আৰু তেওঁৰ পত্নী পাকিস্তানী এজেণ্ট নহয়। কেৱল নিজৰ NGOৰ কামত তেওঁলোক পাকিস্তানলৈ আহিছিল আৰু পাকিস্তানৰ প্ৰয়োজন নাই যে তেওঁলোকৰ এজেণ্ট ভাৰতত ৰাখিব।
উল্লেখযোগ্য যে শেহতীয়াকৈ অসমত হৈ থকা উচ্ছেদ অভিযানৰ বাবে পাকিস্তানী মিডিয়াত প্ৰপাগেণ্ডা হেশ্বটেগ চলিছিল – Save Assam Muslim শীৰ্ষক।
বাতৰিটোত আন এটা গুৰুত্বপূৰ্ণ দিশ আছিল, যে এংকৰ গৰাকীয়ে অসমত হ’বলগীয়া নিৰ্বাচনৰ বিষয়ে বাৰে বাৰে উল্লেখ কৰি গৌৰৱ আৰু পত্নীৰ পাকিস্তানৰ লগত সম্পৰ্ক নাই বুলি প্ৰতিপন্ন কৰিবলৈ চেষ্টা কৰে।
