বন্যপ্ৰাণী, মূল্যবান উদ্ভিদ আদিকে ধৰি বনজ সম্পদ ৰক্ষাৰ স্বাৰ্থত ১৯৫০ চনৰ পৰা প্ৰত্যেক বছৰে জুলাই মাহৰ ১ তাৰিখৰ ৭ তাৰিখলৈকে ৰাষ্ট্ৰীয় বন মহোৎসৱ সপ্তাহ উদযাপন কৰা হয়।
উক্ত বন মহোৎসৱ সপ্তাহৰ সংগতি ৰাখি গোসাঁইগাঁও মহকুমাৰ কচুগাঁও বন সংমণ্ডল উদ্যোগত প্ৰথমতে গোসাইগাঁও সদৰ চহৰত ছাফাই অভিযান,গছপুলি ৰোপন কৰাৰ অন্তত গোসাঁইগাঁও উচ্চতৰ মাধ্যমিক বিদ্যালয় প্ৰাংগণত এক সজাগতা সভাৰ আয়োজন কৰা হয়।
কচুগাঁও বন সংমণ্ডলৰ বন সংৰক্ষক কেকে নাথ পৌৰহিত্যত অনুষ্ঠিত সভাখনত মুখ্য অতিথি হিচাপে উপস্থিত থাকি গোসাঁইগাঁও মহকুমাৰ মহকুমাধিপতি মাছন্দা পৰ্টিনে বন সংৰক্ষণ সম্বন্ধীয় এক গুৰুত্বপূৰ্ণ মন্তব্য আগবঢ়ায়। সভাত অৱসৰপ্ৰাপ্ত সাংমণ্ডলিক বন বিষয়া ঈশ্বৰন নাৰ্যাৰী, সমাজ কৰ্মী খনীন্দ্ৰ নাথ দাস, কচুগাঁও বন সংমণ্ডলৰ বন বিষয়া ভানু সিনহা সহ কেইবাজনো বিশিষ্ট ব্যক্তি উপস্থিত থাকে।
