আছাম প্ৰেছ কৰেছপণ্ডেণ্টছ ইউনিয়ন চমুকৈ আপকু’ৰ ওদালগুৰি জিলা সমিতিৰ এখনি গুৰুত্বপূৰ্ণ কাৰ্যনিৰ্বাহক আজি এক নং বটাবাৰী মৌগাঁওস্থিত( টংলা) কৰ্দৈ ৰিজৰ্ট’ৰ এক নান্দনিক পৰিৱেশত অনুষ্ঠিত কৰা হয়। জিলা সম্পাদক ফটিক ৰাভাই আঁত ধৰা সভাখন পৰিচালনা কৰে সভাপতি দীপক ডেকাই।
উক্ত সভাত আগন্তক ন্যাস সমিতিৰ বাবে আপকু’ৰ সতীর্থই অৰ্থৰ যোগান ধৰা, অসমৰ প্ৰথমগৰাকী শ্বহীদ সাংবাদিক কমলা শইকিয়াৰ স্মৃতিচাৰণ আৰু বঁটা প্ৰদান অনুষ্ঠান পতা, সাংবাদিক কৰ্মশালা অনুষ্ঠিত কৰা আৰু শিক্ষক সাংবাদিক বা অন্যান্য বৃত্তিত জড়িত সাংবাকিকতা কৰা সকলে চৰকাৰৰ আহ্বানৰ প্ৰতি সঁহাৰি জনায় স-সন্মানেৰে সাংবাদিকতা পৰিত্যাগ কৰিবলৈ আহ্বান জনায়।
কৰ্দৈ ৰিজৰ্ট’ৰ স্বত্বাধিকাৰী জয়ন্ত বনিয়াই মনোভাব ব্যক্ত কৰা লগতে ভেৰগাঁও অনুসূচীত জাতি পৰিষদৰ সম্পাদক পবন বণিয়াই গীত পৰিবেশন কৰি অনুষ্ঠানটো জীপাল কৰি তোলে।
