ৰাজ্য চৰকাৰৰ নিৰ্দেশত অসম আৰক্ষী বাহিনীয়ে ৰাজ্যখনৰ পৰা জনজীৱনৰ বৰবিষ স্বৰূপ ড্ৰাগছ,গাঞ্জা,মদ,জুৱা,গৰুৰ সৰবৰাহ আদিৰ বিৰুদ্ধে অভিযান চলাই আহিছে যদিও নিতৌ পুনৰ লাখ লাখ টকাৰ উক্ত নিষিদ্ধ বস্তুসমূহ সৰবৰাহ হৈয়ে আছে।ইফালে নামনি অসমৰ তথা বিটিএডি এলেকাৰ কোকৰাঝাৰ জিলাৰ শ্ৰীৰামপুৰত আজি ৩কোটি টকাৰ অধিক গাঞ্জা জব্দ কৰাৰ ঘটনাই তীব্ৰ চাঞ্চল্য আৰু প্ৰতিক্ৰিয়াৰ সৃষ্টি কৰিছে।
প্রাপ্ত বাতৰিমতে মণিপুৰৰ পৰা গুৱাহাটী হৈ কলকাতালৈ গৈ থকা অৱস্থাত ইউ.পি ১৫ ডি. টি-২২৬৪ নম্বৰৰ এখন ট্ৰাকৰ গোপন চেম্বাৰত মুঠ ১৩১পেকেটত মুঠ ১৯২০ কিলগ্ৰাম গাঞ্জা শ্ৰীৰামপুৰত আৰক্ষীয়ে জব্দ কৰিবলৈ সক্ষম হয়।ইয়াৰ পিছত কোকৰাঝাৰ জিলা আৰক্ষী অধীক্ষক বিজয় কুমাৰ প্ৰতিকটুয়ে উপস্থিত হৈ বুজ লোৱাৰ লগতে তদন্ত আৰম্ভ কৰিছে।ইতিমধ্যে মণিপুৰৰ ফাৰুক হুছেইন নামৰ লোক এজনক কৰিবলৈ সক্ষম হয় বুলি বাতৰিটোত প্ৰকাশ।
বঙাইগাঁৱৰ পৰা ষ্টাফ ৰিপৰ্টাৰ প্ৰফুল্ল কুমাৰ দাসৰ প্ৰতিবেদন
