নলবাৰী চহৰৰ নিচেই ওচৰত থকা পয়লা ASEB ৰ সন্মুখত প্ৰায় ডেৰ মাহ ধৰি ভাৰতীয় হিচাপে থকা প্ৰয়াত গোবিন্দ দাস আৰু দুলু দাসৰ জীয়ৰী চুমী দাস যোৱা ৪ জুলাই ৰ সন্ধিয়াৰ পৰা সন্ধানহীন হৈ আছে।পৰিয়ালৰ লোকে জনোৱা মতে সহজ সৰল প্ৰকৃতিৰ প্ৰায় ২৪ বছৰীয়া চুমী দাস মাক অথবা ঘৰৰ অন্যান্য সদস্যৰ অবিহনে কেতিয়াও দূৰলৈ নাযায় তেনে স্থলত যুৱতী গৰাকী পাঁচ দিন ধৰি সন্ধানহীন হৈ থকাত পৰিয়ালৰ উপৰিও ওচৰ চুবুৰীয়া লোক সকল শংকিত হৈ পৰিছে আনহাতে যুৱতী গৰাকীৰ মাতৃয়ে জনোৱা মতে যুৱতী গৰাকী সন্ধানহীন হোৱা সময়ত মটীয়া ৰঙৰ কুৰ্তা আৰু ৰঙা ৰঙৰ পেন্ট পিন্ধি আছিল।
উল্লেখ্য যে যুৱতী গৰাকী হেৰুৱা সন্দৰ্ভত ৫ জুলাইত নলবাৰী সদৰ আৰক্ষী চকীত এজাহাৰ দাখিল কৰে যদিও এতিয়ালৈ যুৱতী গৰাকীৰ কোনো সন্ধান ওলোৱা নাই। সেয়েহে কোনো সদাশয় লোকে যুৱতী গৰাকীৰ সন্ধান পালে ৮৪৭৩০৫৭৪৩৯ এই নম্বৰত যোগাযোগ কৰিবলৈ পৰিয়ালৰ লোকে আহ্বান জনায়।
নলবাৰীৰ পৰা শংকৰ দাস প্ৰতিবেদন
