নৱম শ্ৰেনীৰ ছাত্ৰ ছাত্ৰীক চাইকেল বিতৰণ কৰাৰ পিছত নৱেম্বৰত চৰকাৰে বিতৰণ কৰিব স্কুটি। ১০০ কোটি টকা ব্যয় সাপেক্ষে মেধা ছাত্ৰ ছাত্ৰীক চৰকাৰে বিতৰণ কৰিব স্কুটি। ৩৫ হাজাৰ ৭৭০ খন স্কুটি বিতৰণ কৰিব উচ্চতৰ মাধ্যমিক পৰীক্ষাত প্ৰথম বিভাগত উত্তীৰ্ণ ছাত্ৰীৰ লগতে ৭৫ শতাংশ নম্বৰেৰ উত্তীৰ্ণ ছাত্ৰক। উল্লেখ্য যে ১৩ অক্টোবৰত নৱম শ্ৰেনীৰ ছাত্ৰ ছাত্ৰীক জিলা আয়ুক্তৰ লগতে স্থানীয় বিধায়ক সাংসদৰ উপস্থিতিত বিতৰণ কৰা হব ৩ লাখ ৬৯ হাজাৰ ৪৫৪ খন চাইকেল।
তাৰ পিছতেই চৰকাৰে উচ্চতৰ মাধ্যমিক পৰীক্ষাৰ মেধা ছাত্ৰ ছাত্ৰীক বিতৰণ কৰিব স্কুটি। চৰকাৰে ৰাজ্যৰ ছাত্ৰ ছাত্ৰীৰ বাবে একাধিক অভিলাষী আঁচনি ঘোষনা কৰিছে। বিনামূলীয়া নামভৰ্তিৰ লগতে হোষ্টলৰ আবাসী আৰু বিশ্ববিদ্যালয়ৰ ছাত্ৰীকো বছৰত ১০ হাজাৰ কৈ এক বিশেষ জলপানি প্ৰদানৰ ঘোষনা কৰিছে। আনহাতে শিক্ষা বিভাগে শ্ৰেনী সমূহ নিয়মীয়াকৈ চলি থকাৰ বাবে শিক্ষাসেতু এপ প্ৰবৰ্তন কৰি ছাত্ৰ ছাত্ৰীৰ লগতে শিক্ষক শিক্ষয়িত্ৰীৰ উপস্থিতি পৰীক্ষা কৰিছে। একেদৰে শ্ৰেনীত উপস্থিত নথকা ছাত্ৰ ছাত্ৰীৰ কাৰন অভিভাৱক সকলৰ পৰা সংগ্ৰহ কৰা, এসপ্তাহৰ অধিক ছাত্ৰ ছাত্ৰীৰ অনুপস্থিতিৰ বিষয়ে উৰ্দ্ধতন কৰ্তৃপক্ষক অবগত কৰাকে ধৰি একাধিক নীতি নিৰ্দেশনা জাৰি কৰিছে।
