দেৰগাঁও নগৰৰ মাজমজিয়াৰ বিন্দাবন নগৰস্থিত নিৰ্মিত ভাৰতীয় সংবিধান প্ৰণয়ন মূল কাণ্ডাৰী অৰ্থনীতিবিদ দলিত নেতা,ৰাজনীতিবিদ ড° ভীমৰাও ৰামজী আম্বেদকাৰ ভৱনটি শুক্ৰবাৰে বিয়লি ভাগত আম্বেদকাৰ প্ৰতিমূৰ্তিত বন্তি নৈবদ্যন জ্বলাই ভৱনটিৰ মুখ্যদ্বাৰ ফিটা কাঢ়ি দেৰগাঁও সমষ্টিৰ বিধায়ক ভৱেন্দ্ৰ নাথ ভৰালীয়ে শুভ উদ্ধোধন কৰে।উক্ত কাৰ্যসূচীত গোলাঘাট মহকুমা কল্যাণ বিষয়া সুলক্ষণা বৰপাত্ৰ গোহাঁই,সহকাৰী অভিযন্তা,অসম ৰাজ্যিক বিভাগৰ অনুসূচীত জাতি লিমিটেডৰ ব্ৰজৰাজ ভট্ৰাচাৰ্য,ৰাজহ চক্ৰ বিষয়া চিৰঞ্জীৱ দাস,সমাজকৰ্মী সুৰেন দাস,অৱসৰপ্ৰাপ্ত শিক্ষক নৰেন দাস,অনুসূচিত জাতি পৰিষদৰ সভাপতি দিলীপ দাস,অনুসূচিত জাতি ছাত্ৰ সন্থা গোলাঘাট জিলা সভাপতি ভৃগু কুমাৰ দাস,যুৱ সমাজকৰ্মী বিক্ৰম দাসকে বহুত কেইজন গণ্যমাণ্য ব্যক্তি উপস্থিত থাকে।
উল্লেখযোগ্য যে,প্ৰায় ৯৮ লাখ টকাৰে ব্যয় সাপেক্ষে ২০১৪ বৰ্ষতে সেই সময়ৰ প্ৰয়াত বিধায়িকা আৰতি হাজৰিকা কছাৰী কাৰ্যকালতে অনুসূচিত জাতি কল্যাণ সঞ্চালকালয়ৰ পূজিৰে নিৰ্মাণ কৰিছিল,যদিও শুভাৰম্ভ নকৰাক লৈ সাধাৰণ জনসাধাৰণৰ মাজত ব্যাপক প্ৰতিক্ৰিয়াৰ সৃষ্টি হৈ আহিছিল।শেহতীয়াকৈ অনুসূচিত জাতি ছাত্ৰ সন্থা আৰু স্থানীয় সচেতন লোকসকৰ তৎপৰতাত মহকুমা কল্যাণ বিষয়া আৰু স্থানীয় বিধায়কৰ কৃপাদৃষ্টিত পুনৰ ড° আম্বেদকাৰ ভৱনটিৰ ইতিমধ্যে ভৱনটি স্থানীয় বিধায়কে সমগ্ৰ দেৰগাঁৱৰ ৰাইজৰ সুবিধাৰ্থে শুভাৰম্ভ কৰাত সকলোৱে মন উৎফুল্লিত হৈ পৰিছে।
এই ভৱনটোত ভৱিষ্যতে শিক্ষিত যুৱক-যুৱতীসকলৰ সুবিধাৰ্থে পুথিভৰাল,ভিন্ন প্ৰতিযোগীমূলক পৰীক্ষা,লগতে দক্ষতা বিকাশৰ আঁচনিৰ জৰিয়তে আত্মনিৰ্ভৰশীল কৰিব পৰা কাম সমুহৰ পৰিকল্পনা কৰিব বুলি মহকুমাৰ কল্যাণ বিষয়া আৰু স্থানীয় বিধায়কজনে জানিবলৈ দিয়ে।
ৰঙামাটিৰ পৰা দিব্য জ্যোতি কাকতি প্ৰতিবেদন
