Breaking

বানে গৰকা বৰছলাত তীব্ৰ খাদ্য সংকটত ভুগিছে পশুকুল

0 1,068

দৈনন্দিন বাৰ্তা ডেস্ক :

বানে গৰকা শোণিতপুৰৰ বৰছলাত এতিয়া গৰু, ম’হৰ নাজল-নাথল অৱস্থা৷ পশু খাদ্যৰ তীব্ৰ সংকট৷ পানী মেটেকা খুৱাই ৰাখিছে গৰু, ম’হক৷ খাদ্যৰ অভাৱত পশুধনৰ দূৰৱস্থা দেখি পশুধন পালক সকল চিন্তিত৷ পোৱা নাই চৰকাৰী পশু খাদ্য৷ কানসাৰ নাই বিয়াগোম বিভাগটোৰ৷ শোণিতপুৰৰ বৰছলাত বান পৰিস্থিতি কিছু উন্নত হৈছে যদিও এতিয়াও বিস্তৃৰ্ণ অঞ্চল জলমগ্ন হৈ আছে৷ বান বিধ্বস্ত বৰছলাত বিগত এসপ্তাহৰ পিছত পানী কমিলেও এতিয়াও আঁতৰা নাই বিপদ৷ ব্ৰহ্মপুত্ৰৰ বানে গৰকা অঞ্চলটোত এতিয়াও বিস্তৃৰ্ণ অঞ্চল প্লাৱিত হৈ থকাত গৰু, ম’হ আদিক বিগত এসপ্তাহ ধৰি দলং আৰু ওখ ঠাইত ৰাখিছে যদিও পশু খাদ্যৰ তীব্ৰ সংকট হোৱাত পশু পালক সকলৰ মাজত হাহাকাক সৃষ্টি হৈছে৷ কিয়নো অঞ্চলটো জলমগ্ন হৈ থকাত ঘাঁহ, বন আদি সমূলি বিনষ্ট হৈছে। গৰু, ম’হৰ খাদ্যৰ অভাৱত হোৱাত পানী মেটেকা আদি খুৱাই কোনো মতে জীৱটো জীয়াই ৰাখিছে গৰু ম’হৰ৷ আনহাতে খাদ্যৰ অভাৱত এতিয়ালৈকে ইয়াত দুটা গৰুৰ মৃত্যু হৈছে৷ অভিযোগ অনুসৰি কেইদিনমান পূৰ্বে ৬/৭টা ম’হ গৰু বাবদ কেৱল মাত্ৰ ৩ কেজি কৈ পশু খাদ্য দিয়েই দ্বায়িত্ব সামৰিলে বিভাগটোৱে৷ এজন পশুপালকে ৬/৭টা গৰু, ম’হক তিনি কেজি পশু খাদ্য কেনেকৈ খুৱাব৷ এয়া যে বিভাগটোৱে পশুপালক সকল উপহাস কৰিছে এই ঘটনাই স্পষ্ট কৰিছে ৷

Leave A Reply