দৰঙৰ পাথৰিঘাট ৰাজহ চক্ৰৰ অন্তৰ্গত খাটৰদলৰ নিকটবৰ্ত্তী নিজ সৰাবাৰী, চিনাকোনা, শালৈপাৰা গাওঁৰ প্ৰায় ২০০০ পৰিয়ালৰ খেতি মাটি ২৫ বছৰ ধৰি পানীৰ তলত বুৰ গৈ আছিল ৷
এজাক ডাঙৰ বৰষুণৰ ফলত এই অঞ্চলৰ ৰাইজ কৃত্ৰিম বানত খেতি মাটি বুৰ যায় ৷ উল্লেখ্য যে হাতীমাৰা গোমোঠাপাৰা নামৰ ৰাষ্টাৰ দুয়োকাষে মাছ পালনৰ বাবে বৃহত আকাৰৰ পুখুৰীৰ পাৰ দিয়াত বৰষুণৰ পানী ওলাই যাৱ নোৱাৰি বানৰ সৃষ্টি হয় ৷
২৫ বছৰ ধৰি খেতি বাতি কৰিব নোৱাৰা এই অঞ্চলত কেৱল মেটেকাৰ বাবে বিখ্যাত হৈ পৰে অঞ্চলটি ৷ খাটৰদল নামে পৰিচিত দলনি খনৰ দুয়োকাষে নলাৰ সৈতে ৪৬ ফুট বহলৰ ৰাষ্টা আছিল বুলি জানিব দিয়ে চক্ৰ বিষয়া গৰাকীয়ে ৷ কিন্তু এতিয়া উক্ত ৰাষ্টাটি প্ৰায় নিচিহ্ন ৷
চক্ৰ বিষয়া অমৰজ্যোতি নাথ আৰু পাথৰিঘাট আৰক্ষীৰ উপস্থিতিত শুকুৰবাৰে আবেলি JCB লৈ পুখুৰীৰ পাৰ সমুহ কাটি কৃত্ৰিমবানৰ দীৰ্ঘদিনীয়া সমস্যা সমাধান কৰে ৷
কলাইগাওঁ চক্ৰ বিষয়া সুজাতা গোস্বামী মণ্ডল কাননগো সৰাবাৰীৰ VDP ৰুনু বৰুৱা গাওঁবুঢ়া বিপিন বৰুৱাক ধৰি অঞ্চলটোৰ বহু গন্যমাণ্য ব্যক্তি উপস্থিত থাকে ৷