আজিৰ পৰা আৰম্ভ হোৱা বিধানসভাৰ শীতকালীন অধিৱেশনত কি কি বিধেয়ক উত্থাপন হ’ব ?
আজিৰে পৰা তিনিদিনীয়াকৈ আৰম্ভ হৈছে অসম বিধানসভাৰ শীতকালীন অধিৱেশন। গৃহ, ৰাজনীতি, অসম চুক্তি ৰূপায়ণ আদিক লৈ প্ৰশ্ন উত্থাপন হ’ব সদনত ।
বিত্তমন্ত্ৰীয়ে ২০২০-২১ৰ পৰিপূৰক দাবী আৰু পৰিপূৰক বিনিয়োজন সমূহ দাখিল কৰিব বিধানসভাত। সদনত মুখ্যমন্ত্ৰীয়ে দাখিল কৰিব ‘দ্য আছাম লেংগুৱেজ (এমেণ্ডমেণ্ট বিল) ২০২০। ‘দ্য আসাম টি প্লেণ্টেচন প্ৰভিডেণ্ট ফাণ্ড এণ্ড পেঞ্চন ফাণ্ড ডিপোজিট লিংকড ইঞ্চুৰেন্স ফাণ্ড স্কীম (এমেণ্ডমেণ্ট) বিল ২০২০ উত্থাপন কৰিব মুখ্যমন্ত্ৰীয়ে।
লগতে, ‘দ্য আছাম ইজ অফ ডুয়িং বিজনেছ (এমেণ্ডমেণ্ট) বিল ২০২০ উত্থাপন কৰিব উদ্যোগ মন্ত্ৰীয়ে। বিত্তমন্ত্ৰীয়ে ‘দ্য আছাম টেক্সেছন (লিকুউডেশ্যন অব এৰিয়াৰ দিউজ) (ছেকেণ্ড এমেণ্ডমেণ্ট) বিল ২০২০ উত্থাপন কৰিব। বিত্তমন্ত্ৰীয়ে ‘দ্য আছাম মাইক্ৰ ফাইনেন্স ইনষ্টিটিউশ্যনছ (ৰেগুলেশ্যন অন মানি লেণ্ডিং) বিলখনো উত্থাপন কৰিব সদনত।
ইয়াৰউপৰি ‘মৰাণ, মটক, কমতাপুৰ স্বায়ত্তশাসিত পৰিষদ (সংশোধন)বিধেয়ক আৰু ‘বড়ো কছাৰী ৱেলফেৱাৰ অটোনমাছ কাউন্সিল বিল ২০২০ বিল’ দাখিল কৰা হ’ব বিধানসভাত।
লগতে চাওঁক : অসম বিধানসভাৰ পৰা পোনপটীয়া সম্প্ৰচাৰ