শোণিতপুৰ জিলাৰ ৰঙাপৰা সমষ্টিৰ অন্তৰ্গত বিভিন্ন চাহ বাগিচাত আজি অসম চাহ মজদুৰ সংঘই শ্ৰমিক ৰাইজে পাবলগীয়া বকেয়া ধন(বাড়তি) টকাৰ দাবীত ১ ঘন্টীয়া ধৰ্ণা কাৰ্যসূচী অনুষ্ঠিত কৰি চাহ বাগিচা সমুহৰ পৰিচালক সকলক স্মাৰক পত্ৰ দাখিল কৰে।উল্লেখ্য যে চাহ বাগিছাত কৰ্মৰত শ্ৰমিক ৰাইজৰ দৈনিক মজুৰি বৃদ্ধিৰ দাবী বিভিন্ন দল সংগঠনৰ আছিল তাৰ ভিতৰত অন্যতম অসম চাহ মজদূৰ সংঘ, আটছা, আৰু আছা আদি। অসম চাহ মজদুৰ সংঘ তেজপুৰ শাখাৰ ভাৰপাপ্ত সম্পাদক সুনিল টুটীৰ নেতৃত্বত অঞ্চলটোৰ সমুহ বাগিচা পূৱা ধৰ্ণা কাৰ্যসূচী অনুষ্ঠিত হয় আৰু স্মাৰক পত্ৰ প্ৰদান কৰা হয়।চৰকাৰে কেৱল ভোটৰ অংকৰ বাবে বাগিছা কৰ্মৰত খাটি খোৱা শ্ৰমিক ৰাইজৰ দৈনিক মজুৰি অত দিনে ৰখাই সাধাৰণ নিৰ্বাচনৰ ঠিক আগমূহুৰ্তত দৈনিক মজুৰি অন্তৱৰ্তিকালীন সাহাৰ্য্য হিচাপে ঘোষণা কৰা কাৰ্য্যক অসম চাহ মজদুৰ সংঘৰ তেজপুৰ শাখাৰ ভাৰপাপ্ত সম্পাদক সুনিল টুটীয়ে নিৰ্বাচনী চমক বুলি উল্লেখ কৰে।উল্লেখ্যযে শ্ৰমিক ৰাইজ পাবলগীয়া বকেয়া ধন (বাড়তি) টকাৰ বাবে অসম চাহ মজদূৰ সংঘই যোৱা ২০১৮ বৰ্ষৰ মাৰ্চ মাহৰ পৰা দিব লাগে বুলি অসম চাহ মজদুৰ সংঘই প্ৰতিবাদ কৰি আহিছে।চৰকাৰে ঘোষণা কৰা দৈনিক মজুৰি আচলতে মজুৰি বৃদ্ধিৰ চুক্তি নহয় এইটো অন্তৱৰ্তিকালীন সাহায্য হে যিটো ইয়াৰ আগতেও ২০১৮ বৰ্ষত ঘোষণা কৰি দুমাহৰ বকেয়া ধন শ্ৰমিক ৰাইজক দিয়া হোৱা নাছিল,কিন্তু পুনৰ অন্তৱৰ্তিকালীন সাহায্য ঘোষণা কৰি শ্ৰমিক ৰাইজক চৰকাৰে প্ৰতাৰণা কৰিলে, কাৰন চৰকাৰে পূৰ্বে ৩৫১.৩৩ টকা দৈনিক মজুৰি হব বুলি ঘোষণা কৰিছিল। কিন্তু আজি বিজেপি নেত্ৰাধীন চৰকাৰৰ পাঁচ বছৰ কাল শেষ হোৱাৰ অন্তত দৈনিক মজুৰি বৃদ্ধিৰ চুক্তি কৰিব নোৱাৰি পুনৰ অন্তৱৰ্তিকালীন সাহায্য ঘোষণা কৰাটো দুৰ্ভাগ্যজনক বিষয় বুলি সংঘৰ বিষয়াই উল্লেখ কৰে। যোৱা তিনিটা বছৰ মজুৰি বৃদ্ধি নকৰাৰ ফলত শ্ৰমিক ৰাইজৰ দৈনিক পি. এফ. গ্ৰেছ্যুইটি, বনাচ, ছুটি হাজিৰা টকা আদি লোকচান হৈছে তাৰোপৰি যি সকল ইতিমধ্যে পাৰমানেন্ট কামৰ পৰা অব্যাহতি গ্ৰহন কৰিলে তেখেতসকলৰ পি. এফ টকাৰ লগতে গ্ৰেছ্যুইটি টকাৰো লোকচান হৈছে বুলি সুনিল টুটীয়ে কয়।উল্লেখ্য যে চাহ বাগিচাৰ শ্ৰমিক সকলৰ দৈনিক মজুৰি ০১/০১/২০১৮ তাৰিখৰ পৰা প্ৰযোজ্য হোৱাকৈ ৩৫১ টকালৈ বৃদ্ধি কৰাৰ দাবীত সংঘৰ উদ্যোগত ধাৰাবাহিক ভাৱে ৰূপায়ণ কৰা গণতান্ত্ৰিক আন্দোলনৰ ফলস্বৰুপে চৰকাৰৰ জাননী নং জি.এল.আৰ (আৰ.চি)১৭৮/২০১৪/পিটি/৪০৬ তাং ২৩/০২/২০২১ মৰ্মে চাহ বাগিচাৰ শ্ৰমিক সকলৰ দৈনিক মজুৰি অন্তৱৰ্তীকালীন ভাৱে ৫০ টকা বৃদ্ধি কৰি ২২/০২/২০২১ তাৰিখত চৰকাৰে যি নিৰ্দেশনা জাৰি কৰিছে সেই নিৰ্দেশনা তৎকালে বলবৎ কৰিবলৈ বাগিচা কতৃপক্ষক স্মাৰক পত্ৰ প্ৰদান কৰা হয় বুলি অসম চাহ মজদুৰ সংঘ তেজপুৰ শাখাৰ গাণণিক গজেন শইকীয়াই সংবাদ মাধ্যমক কয়।অসম চাহ মজদূৰ সংঘই উক্ত অন্তৱৰ্তিকালীন সাহাৰ্য্য প্ৰতিবাদকল্পে গ্ৰহণ কৰিবলৈ সমূহ শ্ৰমিক ৰাইজক আহ্বান জনায়। কিন্তু চাহ শ্ৰমিক সকলৰ দৈনিক মজুৰি বৃদ্ধি ৩৫১.৩৩ টকাৰ দাবীৰ বাবে আন্দোলন কাৰ্যসূচী অব্যাহত থাকিব বুলি সংঘৰ বিষয়া সকলে সংবাদ মাধ্যমক অৱগত কৰে।
Breaking
- গুৱাহাটী স্মাৰ্ট চিটী প্ৰকল্প পৰ্যবসিত হৈছে খীৰতী গাইলৈ। ছ বছৰত ৩৬৪ কোটি ব্যয় কৰাৰ পিছতো প্ৰতিফলিত হোৱা নাই উন্নয়নৰ ছবি
- কৃতি চাননৰ ৩২ তম জন্মদিনত সুশান্তৰ সৈতে ৰোমান্টিক ফটো চাওক। আৱেগিক হৈ পৰিল কৃতি চানন
- চৰাইবাহী বৰভগীয়াত ড্ৰাগচ বিৰোধী অভিযানত মিকিৰভেটা আৰক্ষীৰ বৃহৎ সফলতা
- অত্যাৱশ্যকীয় সামগ্ৰীৰ মূল্য বৃদ্ধিৰ বিৰুদ্ধে গোলাঘাট মহকুমা ছাত্ৰ সন্থাৰ উত্তাল প্ৰতিবাদ
- অসমৰ গাড়ী প্ৰৱেশত বাধা আৰোপ কৰি বিপদত মেঘালয়! মেঘালয় পর্যটন উদ্যোগত বৃহৎ লোকচানৰ সন্মুখীন…
- মঙলদৈত RSSৰ বৰ্গ কেম্পত বিদ্যুৎস্পৃষ্ট হৈ ১৭ বছৰীয়া কিশোৰৰ কৰুণ মৃত্যু…
- গুৱাহাটীত ‘জেভলিন ডে’ উদযাপনৰ প্ৰস্ততি, ৭আগষ্টত দিনযোৰা কাৰ্যসূচী-প্ৰতিযোগিতা…
- অসম-মেঘালয়ৰ সীমান্তৱৰ্তী কোনাৰচৰৰ জেলদুপাৰাত দুৰ্ঘটনাত পতিত এখন যাত্ৰীবাহী আলট্ৰা বাছ…
- গোৱালপাৰাৰ লক্ষীপুৰৰ আমবাৰী বৰদল পথত বন্যহস্তীৰ বিচৰণ…
- বিতৰ্কিত NEET-UG সংশোধিত পৰীক্ষাৰ চূড়ান্ত ফলাফল ঘোষণা, পূৰ্বৰ ৬১ গৰাকীৰ পৰিৱৰ্তে ১৭ গৰাকী প্ৰাৰ্থীৰ শীৰ্ষস্থান লাভ…
- চৰাইদেউ মৈদামে বিশ্ব ঐতিহ্য ক্ষেত্ৰৰ স্বীকৃতি লাভ কৰাত অগপৰ আনন্দ প্ৰকাশ…
- আজিৰে পৰা ১৩৩ সংখ্যক ইণ্ডিয়ান অইল ডুৰাণ্ড কাপ ফুটবল, কলকাতাৰ উদ্বোধনী মেচত মোহন বাগান-ডাউন টাউন হিৰোজ…
- দক্ষ মানুহৰ কেতিয়াও মৰণ নাই, দক্ষ মানুহে কেতিয়াও কাম বিচাৰি নিবনুৱা হ’বলগীয়া নহয়ঃ মন্ত্ৰী জয়ন্ত মল্লবৰুৱা…
- চৰাইদেউ মৈদাম ক্ষেত্ৰক ইজিপ্তৰ পিৰামিডৰ সৈতে তুলনা ইউনেস্কৰ, চৰাইদেউত উৎসৱমুখৰ পৰিৱেশ…