উদীয়মান যুৱক ভাৰ্গৱ বনিয়াৰ মৃত্যুত বাইহাটাত শোকৰ ছাঁ

বাইহাটা চাৰিআলি

বাইহাটা চাৰিআলিৰ উদীয়মান যুৱক তথা কেৰম খেলুৱৈ ভাৰ্গৱ বনিয়া (২৮)ৰ হৃদ ৰোগত আক্ৰান্ত হৈ শুকুৰবাৰে পুৱা গুৱাহাটী জিএনআৰচ হাস্পতালত মৃত্যু হয়৷ উচ্চ ৰক্তচাপজনিত কাৰণত হাৰ্ট ষ্ট্ৰোক হোৱাত তিনি দিনৰ আগেয়ে ভাৰ্গৱক হাস্পতালত ভৰ্ত্তি কৰাইছিল পৰিয়ালৰ লোকে৷ স্থানীয় এটি কোম্পানীত কৰ্মৰত উদীয়মান যুৱকজনৰ মৃত্যুত বৃহত্তৰ বাইহাটা চাৰিআলি অঞ্চলত শোকৰ ছাঁ পৰিছে৷ বাইহাটা চাৰিআলিৰ অন্তৰ্গত আগডলা গাঁও নিৱাসী বিশিষ্ট সমাজকৰ্মী তথা সুদক্ষ ফটোগ্ৰাফাৰ সম্বৰু বনিয়াৰ একমাত্ৰ সন্তান ভাৰ্গৱৰ মৃত্যুত সাংস্কৃতিক অনুষ্ঠান প্ৰবাহন, বাইহাটা চাৰিআলি প্ৰেছ ক্লাব, সাহিত্য সভা, কামৰূপ জিলা কেৰম সন্থা আদি অনুস্থান প্ৰতিষ্ঠানে শোক প্ৰকাশ কৰিছে৷ মৃত্যুৰ সময়ত তেওঁ পিতৃ, মাতৃ আৰু একমাত্ৰ ভগ্নীক এই সংসাৰত এৰি থৈ যায়৷