চতিয়া কেন্দ্ৰত এশ শতাংশ উত্তীৰ্ণৰে পুনৰ ফলাফলৰ শীৰ্ষত ভাস্কৰজ্যোতি আদৰ্শ বিদ্যাপীঠ

সদ্য ঘোষিত হাইস্কুল শিক্ষান্ত পৰীক্ষাত চতিয়া কেন্দ্ৰৰ তিনিখন বিদ্যালয় ক্ৰমে ভাস্কৰজ্যোতি আদৰ্শ বিদ্যাপীঠ, উত্তৰ চতিয়া হাইস্কুল আৰু মেৰীগল্ড হাইস্কুলে এশ শতাংশ উত্তীৰ্ণৰ হাৰেৰে অঞ্চলটোলৈ গৌৰৱ কঢ়িয়াই আনিছে৷

কেন্দ্ৰটোৰ ভাস্কৰ জ্যোতি আদৰ্শ বিদ্যাপীঠে পুৰ্বৰ এশ শতাংশ উতীৰ্ণৰ ধাৰা অব্যাহত ৰাখি ৰিজাল্টৰ ক্ষেত্ৰত সামগ্ৰীক ভাবে ভাল ফলাফল দেখুৱাবলৈ সক্ষম হৈছে৷ বিদ্যালয় খনৰ অৱতীৰ্ণ হোৱা ৪৪ গৰাকী ছাত্ৰ ছাত্ৰীৰ ১৩ জনে ডিষ্ট্ৰিংচন, ৫ জনে ষ্টাৰ, ২০ জনে লেটাৰ সহ প্ৰথম বিভাগ আৰু ৬ জনে দ্বিতীয় বিভাগত উত্তীৰ্ণ হৈছে৷ মেৰীগল্ড হাইস্কুলৰ পৰা অৱতীৰ্ণ হোৱা ১৭ গৰাকী ছাত্ৰ ছাত্ৰীৰ ভিতৰত ৫ জনে ষ্টাৰ, দুজনে প্ৰথম বিভাগ, ৭ জনে দ্বিতীয় বিভাগ আৰু ৩ জনে তৃতীয় বিভাগত উত্তীৰ্ণ হয়৷

উত্তৰ চতিয়া হাইস্কুলৰ পৰা অৱতীৰ্ণ হোৱা ৩৩ জন ছাত্ৰ ছাত্ৰীৰ ৫ জনে প্ৰথম বিভাগ, ২৬ জনে দ্বিতীয় বিভাগ আৰু ২ জনে তৃতীয় বিভাগত উত্তীৰ্ণ হৈছে৷ চতিয়া একাদেমীৰ পৰা অৱতীৰ্ণ হোৱা ৮২ জন ছাত্ৰ ছাত্ৰীৰ ৩ জনে প্ৰথম বিভাগ, ২৭ জনে দ্বিতীয় বিভাগ, ২৪ জনে তৃতীয় বিভাগত উত্তীৰ্ণ হৈছে৷ অনুত্তীৰ্ণহয় ২৮ জন৷ জ্ঞান বিকাশ একাডেমীৰ পৰা অৱতীৰ্ণ হোৱা ৮২ জন ছাত্ৰ ছাত্ৰীৰ দুজনে ডিষ্ট্ৰিংচন, 1 জনে ষ্টাৰ, ১২ জনে প্ৰথম বিভাগ, ৩৮ জনে দ্বিতীয় বিভাগ, ১৮ জনে তৃতীয় বিভাগ লাভ কৰে৷

অনুতীৰ্ণ হয় ১১ জন ৷ চতিয়া উচ্চতৰ মাধ্যমিক বিদ্যালয়ৰ পৰা অৱতীৰ্ণ হোৱা ১২২ জন ছাত্ৰ ছাত্ৰীৰ ৫ জনে ষ্টাৰ, ২৭ জনে প্ৰথম বিভাগ, ৬৬ জনে দ্বিতীয় বিভাগ, ২১ জনে তৃতীয় বিভাগত উত্তীৰ্ণ হয়৷ অনুতীৰ্ণ হয় ৮ জন ৷নদুৱাৰ হাই মাদ্ৰাছাৰ পৰা অৱতীৰ্ন হোৱা ২৪ জনৰ ভিতৰত ১২ জন উত্তীৰ্ণ হৈছে৷ নিজ চতিয়া হাইস্কুলৰ ১২ জন ছাত্ৰ ছাত্ৰীৰ এজন তৃতীয় বিভাগত উত্তীৰ্ণ হৈছে৷ পূৱ চতিয়া হাইস্কুলৰ ৮২ জন ছাত্ৰ ছাত্ৰীৰ ৪ জনে ষ্টাৰ, ১৩ জনে প্ৰথম বিভাগ, ২৭ জনে দ্বিতীয় বিভাগ, ১৯ জনে তৃতীয় বিভাগত উত্তীৰ্ণ হৈছে৷ অনুত্তীৰ্ণৰ সংখ্যা ১৯ জন৷ চতিয়া কেন্দ্ৰৰ উত্তীৰ্ণৰ হাৰ ৮১.৮৩%৷

কেন্দ্ৰটোৰ পৰা জ্ঞান বিকাশ একাডেমীৰ ছাত্ৰ মানস শইকীয়াই ৯৬.১৬% নম্বৰৰে শীৰ্ষস্থান লাভ কৰিছে৷ সিপৰীয়া কেন্দ্ৰৰ ফলাফলৰ হাৰ ৪৫% ৷ কেন্দ্ৰটোৰ পাৰিজাত বিদ্যাপীঠৰ পৰা ১০০% ছাত্ৰ ছাত্ৰী উত্তীৰ্ণ হৈছে৷ বিদ্যালয় খনৰ পৰা অৱতীৰ্ণ হোৱা ২৩ গৰাকী ছাত্ৰ ছাত্ৰীৰ ২ জনে ডিষ্ট্ৰিংচন, ৭ জনে ষ্টাৰ ৯ জনে প্ৰথম বিভাগ, ৫ জনে দ্বিতীয় বিভাগত উত্তীৰ্ণ হয়৷

নাগ শংকৰ কেন্দ্ৰৰ উতীৰ্ণৰ হাৰ ৭১.৯১% ৷ কেন্দ্ৰটোৰ পৰা এজনে ডিষ্ট্ৰিংচন, ৩১ জনে প্ৰথম বিভাগ, ১০৯ জনে দ্বিতীয় বিভাগ আৰু ৯৩ জনে তৃতীয় বিভাগত উত্তীৰ্ণ হৈছে ৷চতিয়াত সদ্যঘোষিত ফলাফলত পুনৰ ব্যক্তিগত খণ্ডৰ বিদ্যালয়ে ভাল ফলাফল দেখুৱাবলৈ সক্ষম হ’ল ৷