Breaking

ধৰ্ষণৰ গোচৰত গ্ৰেপ্তাৰ বিজেপিৰ হোজাই জিলা সমিতিৰ সংখ্যালঘূ মৰ্চাৰ সভাপতি

0 76

লংকা

লংকাৰ এগৰাকী মহিলাক টকা দিয়াৰ প্ৰলোভনেৰে  ধষৰ্ণৰ চেষ্টা কৰাৰ অভিযোগত  হোজাই জিলাৰ লংকা আৰক্ষীয়ে গ্ৰেপ্তাৰ কৰে হোজাই জিলা বিজেপিৰ সংখ্যালঘূ মৰ্চাৰ সভাপতি ক’মৰুল হক চৌধুৰীক। লংকা আৰক্ষীয়ে নিজ ঘৰৰ পৰা আটক কৰে বিজেপিৰ সংখ্যালঘূ মৰ্চাৰ জিলা সভাপতিজনক। লংকা আৰক্ষীয়ে ২১৯/২০  নম্বৰত ৰুজু কৰা গোচৰৰ ভিত্তিত বিজেপি নেতাজনক ভাৰতীয় দণ্ডবিধিৰ ৩৭৬/৫১১/৫০৬ ধাৰাৰ অধীনত গ্ৰেপ্তাৰ কৰি জেললৈ প্ৰেৰণ কৰা হৈছে। উল্লেখ যে মহিলাগৰাকীৰ স্বামীয়ে কমৰুল হকৰ পৰা ৩৫ হাজাৰ টকা পোৱাৰ অজুহাতত পোৱা টকাখিনি ওভতাই দিম বুলি ১১ মে’ৰ দিনা মহিলাগৰাকীক কমৰুলে ঘৰলৈ মাতি অনাৰ পিছত নিজৰ কোঠা বন্ধ কৰি ধৰ্ষণৰ  চেষ্টা কৰা বুলি মহিলাগৰাকীয়ে লংকা আৰক্ষী থানাত ধৰ্ষণৰ অভিযোগত এজাহাৰ দাখিল কৰে।আনহাতে কমৰুলৰ গ্ৰেপ্তাৰৰ খবৰ লাভ কৰি কিছু বিজেপি কৰ্মীয়ে লংকা আৰক্ষী থানাত উত্তপ্ত পৰিস্থিতিৰ সৃষ্টি কৰে। শেহতীয়াকৈ জানিব পৰা মতে ৰাজ্যিক সাধাৰণ সম্পাদকে এক নিৰ্দেশ যোগে কমৰুলক নিলম্বন কৰা হৈছে।  অসামাজিক কাৰ্যত জড়িত থকাৰ বাবে সংখ্যালঘু মৰ্চাৰ সভাপতি পদৰ পৰা সকলো দায়িত্ব আৰু দলৰ প্ৰাথমিক সদস্যৰ পৰা নিলম্বন কৰা হৈছে।  ইপিনে সংবাদ মাধ্যমৰ আগত সভাপতি ক’মৰুল হকে কয় যে  এয়া তেওঁৰ বিৰুদ্ধে মাথোঁ এক ষড়যন্ত্ৰ৷ কয়লা চিণ্ডিকেটৰ বিৰুদ্ধে এটা ফেচবুক প’ষ্ট দিয়াৰ পাছতে তেওক ষড়যন্ত্ৰমূলকভাৱে আৰক্ষীয়ে ভূৱা গোচৰত তেওঁক  গ্ৰেপ্তাৰ কৰিছে বুলি মত প্ৰকাশ কৰে৷