দেৰগাঁৱৰ উপকন্ঠ ইপৰীয়াত মৃতদেহ উদ্ধাৰ : হত্যা কৰি পেলাই থোৱাৰ সন্দেহ

দেৰগাঁৱৰ উপকন্ঠ ইপৰীয়াত আজি পুৱা এটি মৃতদেহ উদ্ধাৰ হয় ।স্থানীয় ৰাইজে পুৱা পথৰ দাতিত পৰি থকা অৱস্থাত মৃতদেহটো প্ৰত্যক্ষ কৰে ।চকু, ডিঙিৰ লগতে শৰীৰৰ বিভিন্ন স্থানত আঘাতৰ স্পষ্ট চিন থকালৈ চাই কোনোবাই হত্যা কৰি পেলাই থোৱা যোৱাৰ সন্দেহ কৰিছে স্থানীয় ৰাইজে। মৃতব্যক্তি জন ওপৰ গৰুমৰা গাঁৱৰ দিলীপ চন্দ্ৰ বৰা বুলি চিনাক্ত কৰিছে পৰিয়ালৰ লোকে। দিলীপ চন্দ্ৰ বৰাআভ্যন্তৰীণ জলসিঞ্চন বিভাগৰ চিকাৰী ঘাটৰ কৰ্মচাৰী আছিল। পৰি‌য়ালৰ সুত্ৰৰ পৰা জানিব পৰা মতে মৃত দিলীপ বৃহস্পতিবাৰে সন্ধিয়া বাইক লৈ এজনৰ বন্ধু ঘৰলৈ ওলাই গৈছিল।  ব্যক্তি জনৰ বাইক খন বৰ্তমানলৈকে উদ্ধাৰ হোৱা নাই। ইতিিমধ্যে ঘটনাস্থলীত পুলিবৰ থানাৰ আৰক্ষী উপস্থিত হৈ তদন্ত  প্ৰক্ৰিয়া আৰম্ভ কৰিছে।নিৰ্বাচনৰ আগদিনা সংঘটিত হোৱা এই হত্যা কাণ্ডৰ ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে।