দৰিদ্ৰৰ বাবে সাহায্য হিচাপে বন্ধনৰ প্ৰতিস্থাপক চন্দ্ৰশেখৰ ঘোচ, এফ আই টি আৰু এন ই এফ আই টিৰ ৫০ কোটি টকাৰ সাহায্য ৷

গুৱাহাটী : নাৰী সবলীকৰণ আৰু দৰিদ্ৰতা দূৰীকৰণৰ লক্ষ্য আগত লৈ চন্দ্ৰশেখৰ ঘোচে ২০০১ চনত এটি এন জি অ’ হিচাপে বন্ধন প্ৰতিষ্ঠা কৰিছিল ৷ ইয়াৰ বাবে বন্ধনে উপাৰ্জনমুখী কামৰ উদ্দেশ্যে আৰ্থিকভাৱে পিছপৰা মহিলাসকলক ক্ষুদ্ৰ ঋণ প্ৰদান কৰি আহিছে ৷ এদিন এই এন জি অ’টোৱে লক্ষ্যস্থানত উপনীত হয় আৰু আৰ্থিকভাৱে পিছপৰা লোকসকলক উন্নয়নমূলক পৰিকল্পনাৰ বাবে ফাইনেন্সিয়েল ইনক্লুজন ট্ৰাষ্ট (এফ আই টি) আৰু নৰ্থ-ইষ্ট ফাইনেন্সিয়েল ইনক্লুজন ট্ৰাষ্ট (এন ই এফ আই টি) নামৰ দুটা ন্যাস গঠন কৰে ৷ ২০১৫ চনত বন্ধন বেংকলৈ ৰূপান্তৰিত হয় আৰু এফ আই টি আৰু এন ই এফ আই টিয়ে বেংকটোৰ প্ৰমোটাৰ হিচাপে ভূমিকা পালন কৰে ৷ দেশ বৰ্তমান গভীৰ সংকটৰ সন্মুখীন হৈছে ৷ ইফালে কৰ’না ভাইৰাছে মহামাৰীৰ ৰূপ ধাৰণ কৰি ভয়াৱহ ৰূপ ধাৰণ কৰিছে ৷ দেশৰ এই সংকটৰ সময়ত এফ আই টি আৰু এন ই এফ আই টিৰ সৈতে ব্যক্তিগত সামৰ্থ্যৰে বন্ধনৰ প্ৰতিস্থাপক চন্দ্ৰশেখৰ ঘোচে আৰ্থিকভাৱে পিছপৰা লোকসকলৰ খাদ্যৰ প্ৰয়োজন পূৰণৰ চেষ্টা চলাইছে ৷ একে সময়তে চন্দ্ৰশেখৰ ঘোচ, এফ আই টি আৰু এন ই এফ আই টিয়ে ৰাজ্যসমূহৰ মুখ্য মন্ত্ৰীৰ সাহায্য পূজিলৈ ২৫ কোটি টকাৰ সাহায্য আগবঢ়াইছে আৰু প্ৰধান মন্ত্ৰীৰ সাহায্য পূজিলৈ ২৫ কোটি ১ লাখ টকাৰ বৰঙণি আগবঢ়াইছে ৷ প্ৰতিটো দুখীয়া পৰিয়ালৰ ১৫ দিনৰ খাদ্যৰ প্ৰয়োজন পূৰণ কৰিবলৈ ১,০০০ টকা নিৰ্ধাৰণ কৰি এই ৫০ কোটি ১ লাখ টকা দেশৰ মুঠ ৫ লাখ পৰিয়ালৰ সহায়ৰ বাবে প্ৰদান কৰিছে ৷