সমগ্ৰ দেশতে বিনামূলীয়া হ’ব কোৰোণাৰ ভেকচিন

সমগ্ৰ দেশতে প্ৰতিষেধক প্রদানৰ পৰীক্ষামূলক কুচকাৱাজ আৰম্ভ হোৱাৰ মাজতে শনিবাৰে কেন্দ্ৰীয় স্বাস্থ্যমন্ত্ৰী ড৹ হৰ্ষবৰ্ধনে ভেকচিন সমগ্ৰ দেশতে বিনামূলীয়াকৈ প্ৰদান কৰা হ’ব বুলি ঘোষণা কৰিছিল। দিল্লীৰ এখন চিকিৎসালয়ত ‘Covid-19’ ভেকচিনৰ ড্ৰাই ৰান পৰিদৰ্শন কৰি সাংবাদিকৰ প্রশ্নৰ উত্তৰত তেওঁ এই কথা সদৰী কৰিছিল।

কিন্তু ঘোষণাৰ কিছু সময়ৰ পাছতে তেওঁ টুইটাৰ যোগে এই সন্দৰ্ভত স্পষ্টীকৰণ প্ৰদান কৰে। তেওঁ কয় – প্ৰথম পৰ্যায়ত সমগ্ৰ দেশতে বিনামূলীয়াকৈ ১ কোটি স্বাস্থ্যকৰ্মী আৰু ২ কোটি ‘Frontline Worker’ক Covid-19 প্ৰতিষেধক বিনামূলীয়াকৈ প্ৰদান কৰা হ’ব। আনহাতে অন্য ২৭ কোটি হিতাধিকাৰীক অগ্ৰাধিকাৰৰ ভিত্তিত কেনেদৰে অহা জুলাইৰ ভিতৰত প্ৰতিষেধক প্ৰদান কৰিব পৰা যায়; তাৰ পৰিকল্পনা কৰি থকা হৈছে।