Breaking

কৰোণাৰ আতংকৰ মাজতে নলবাৰীত গৃহহীন পুৰোহিত। পত্নী , পুত্ৰৰ নিৰ্যাতন সহিব নোৱাৰি আত্মহত্যাৰ প্ৰচেষ্টা পুৰোহিতৰ । উদ্ধাৰ কৰি আশ্ৰয় দিলে সাংবাদিকে।

0 28

নলবাৰী 

কৰোণা ভাইৰাছৰ বিভিষিকাময় পৰিস্থিতিৰ বাবেই দেশজুৰি চলি থকা লক ডাউনৰ মাজতে নলবাৰীত গৃহহীন হৈ পৰা এগৰাকী পুৰোহিতৰ এক দুখজনক ঘটনাক কেন্দ্ৰ কৰি সমগ্ৰ জিলাখনতে প্ৰতিক্ৰিয়াৰ সৃষ্টি হৈছে । নিজৰ পুত্ৰ আৰু পত্নীৰ  নিৰ্যাতন সহিব নোৱাৰি আত্মহত্যাৰ প্ৰচেষ্টা চলাইছিল   অমুল্য শৰ্মা নামৰ পুৰোহিত গৰাকীয়ে ।জিলাখনৰ পশ্চিম খাটাৰ কালাকুছি গাওঁৰ অমুল্য শৰ্মা নামৰ আক্ৰান্ত  পুৰোহিত গৰাকী এটা সম্ভ্ৰান্ত পৰিয়ালৰ লোক । চিকিৎসক , ইঞ্জিনিয়াৰৰ পৰা কলেজৰ অধ্যক্ষলৈ কি নাই তেওঁৰ পৰিয়ালটোত । পৰিয়ালটোত সকলো ডাঙৰ মানুহ । পিছে তেওঁহে আৰ্থিক দৈন্যতাত ককবকাইছে । উপায় বিহীন হৈ যজমানি কৰিয়ে (পুৰোহিত) নিজৰ পৰিয়ালটোক পোহপাল দি আহিছিল দীৰ্ঘ বছৰে । কোচবিহাৰত যজমানি কৰি দুই পুত্ৰ , এগৰাকী কন্যা  আৰু পত্নীক ভৰণ পোষণ দি অহা অমুল্য শৰ্মা এতিয়া পৰিয়ালটোৰ সকলোৰে এলাগী । সুদীৰ্ঘ ৩০ বছৰ ধৰি কোচবিহাৰত যজমানি কৰি পৰিয়ালটোক পোহপাল দি অহা অমুল্য শৰ্মাই নিজে অধিক কষ্টত চলিও সৰহকৈ উপাৰ্জনৰ টকা দিছিল নলবাৰীৰ গৃহত থকা পৰিয়ালটোক । পিছে শেহতীয়াকৈ উচ্চ ৰক্তচাপত আক্ৰান্ত হৈ ৰুগীয়া হৈ পৰে  পুৰোহিত গৰাকী । লাহে লাহে  পুৰোহিত অমুল্য শৰ্মাই কোনো কষ্টকৰ কাম কৰিব নোৱাৰা হ’ল । সেইমৰ্মে তেওঁ নলবাৰীৰ আপোন ঘৰখনলৈ ঘুৰি আহিল । আপোন ঘৰখনলৈ আহিয়েই চকুৰে সৰিয়হ ফুল দেখিলে বৃদ্ধ পুৰোহিত গৰাকীয়ে । পত্নী , পুত্ৰৰ  নিৰ্যাতনত জৰ্জৰিত হবলগীয়া হোৱাৰ অভিযোগ আনি গৃহ ত্যাগ কৰিবলৈ বাধ্য হয় লোকজন । পুৰোহিত গৰাকীৰ অভিযোগ মতে পত্নীৰ উচতনিত প্ৰায়েই সৰু পুত্ৰই মাৰপিট কৰে । পত্নী , পুত্ৰৰ নিৰ্যাতন সহিব নোৱাৰিয়ে তেওঁ আত্মহত্যাৰ সিদ্ধান্ত লৈছিল । তেনে এক মুহুৰ্ততে পুৰোহিত গৰাকীক উদ্ধাৰ কৰি শান্তি নিৱাস বৃদ্ধাশ্ৰমত আশ্ৰয়ৰ ব্যৱস্থা কৰে সাংবাদিক মজিবুৰ ৰহমানে ।কোচবিহাৰত যজমানি কৰি পোৱা টকা কেইটাৰে নলবাৰীত থকা পৰিয়ালটোক দীৰ্ঘ বছৰে  পোহপাল দি অহা অমুল্য শৰ্মাই শেহতীয়াকৈ উচ্চ ৰক্তচাপ আৰু স্নায়ু ৰোগত আক্ৰান্ত হৈ উপাৰ্জন কৰিব নোৱাৰা হৈ উভতি আহিল  নিজৰ আপোন ঘৰখনলৈ । ঘৰলৈ ঘুৰি অহাৰ পিছত পৰিয়ালটোত আৰু শান্তিৰে থাকিব নোৱাৰিলে । পত্নীৰ তিতা কেহা মাত , কনিষ্ঠ পুত্ৰৰ মাৰপিট সহিব নোৱাৰি ঘৰ এৰি গুছি আহিল যাজনিক গৰাকী । কোনো আশ্ৰয়স্থল নাপালে জীয়াই নথকাৰ  সিদ্ধান্ত লোৱাত আপোন গাওঁখনিৰে শৰ্মা উপাধীৰ  এজন লোকে পুৰোহিত গৰাকীক কিছুদিন আশ্ৰয় দিলে তেওঁৰ বাৰান্দাত । পুৰোহিত গৰাকীৰ এনে দুখজনক ঘটনাৰ খবৰ লাভ কৰি তেওঁক উদ্ধাৰ কৰি আশ্ৰয়ৰ ব্যৱস্থা কৰে সাংবাদিক মজিবুৰ ৰহমানে ।  অবশেষত বহুদিন ধৰি সাংবাদিক ৰহমানে তেওঁৰ শান্তি নিৱাস বৃদ্ধাশ্ৰম ও অনাথ আশ্ৰমত পুৰোহিত অমুল্য শৰ্মাক আশ্ৰয় ও ভৰণ পোষণ দিয়াৰ পিছত পৰিয়ালৰ সতে যোগাযোগ হয় । আজি পুৰোহিত গৰাকীৰ পত্নী আৰু ভাতৃয়ে শান্তি নিৱাস বৃদ্ধাশ্ৰমত উপস্থিত হোৱাৰ পিছত বুজাই বঢ়াই পৰিয়ালটোক চমজি দিয়ে সাংবাদিক গৰাকীয়ে । ৭০ বছৰীয়া বৃদ্ধ পুৰোহিত গৰাকীক জীৱনৰ বিয়লি বেলাত পুনৰ নিৰ্যাতন নকৰিবলৈ আদহীয়া পত্নী আৰু পুত্ৰক সাদৰেৰে অনুৰোধ জনাইছে সাংবাদিক ৰহমানে । লক্ষনীয়ভাবে এগৰাকী তৃতীয় ব্যক্তিৰ প্ৰৰোচনাত পৰি পত্নীয়ে পুৰোহিত গৰাকীক অত্যাচাৰ কৰাৰো অভিযোগ উঠিছে ।