Breaking

৭০ বছৰে ব্ৰহ্মপুত্ৰৰ গৰাখহনীয়াত বিধ্বস্ত অঞ্চলবাসীয়ে বিচাৰিছে স্থায়ী সমাধান

0 27

পলাশবাৰী সমষ্টিৰ গুইমাৰাত মহাবাহু ব্ৰহ্মপুত্ৰৰ গৰাখহনীয়াৰ স্থায়ী প্ৰতিৰোধৰ বাবে নিৰ্মীয়মান ৩২.৮২ কোটি টকীয়া অভিলাষী আঁচনিৰ নিৰ্মাণ পৰিদৰ্শন কৰে কামৰূপ জিলাৰ উপায়ুক্ত কৈলাশ কাৰ্তিক এনে। উক্ত আঁচনি ৰূপায়ণৰ সন্দৰ্ভত স্থানীয় একাংশ লোকে জিলা উপায়ুক্তক দিয়া অভিযোগৰ ভিত্তিত উপায়ুক্ত গৰাকীয়ে আজি পুৱা প্ৰায় দহ বজাত পলাশবাৰীত উপস্থিত হৈ জলসম্পদ বিভাগৰ উচ্চ পদস্থ বিয়ষা আৰু ফ্লাড এণ্ড ৰিভাৰ ইৰোচন মেনেজমেণ্ট এজেঞ্চি চমুকৈ ফ্ৰেমাৰ সংশ্লিষ্ট বিষয়া সকলৰ সহিতে পলাশবাৰীৰ ঘাটত নাৱত উঠি দখলা, গুইমাৰা, চিমিনা, মকাধুজ হৈ ফটুৰীলৈ  গৈ ব্ৰহ্মপুত্ৰৰ খহনীয়া প্ৰতিৰোধক নিৰ্মীয়মান আঁচনি পৰিদৰ্শন কৰে।

পৰিদৰ্শন কালত উপায়ুক্ত গৰাকীয়ে গুইমাৰাত কিছু সময় স্থানীয় ৰাইজৰ সৈতে মতামত গ্ৰহণ কৰি জানিব পাৰে যে বিগত প্ৰায় ৮০ দিনত আঁচনি ৰূপায়ণৰ ক্ষীপ্ৰ হোৱাত সন্তোষ প্ৰকাশ কৰে। অৱশ্যে বিগত সময়চোৱাত আঁচনি ৰূপায়ণত ঠিকা লাভ কৰা কোম্পানী ব্ৰহ্মপুত্ৰ ইনফ্ৰাষ্টাকচাৰ প্ৰাইভেট লি: নামৰ সুৰেশ পৃথানিৰ কোম্পানীয়ে লেহেমীয়া কৰাত সময় মতে আঁচনি সম্পূৰ্ণ হে নুঠিল বুলি অভিযোগ উত্থাপন কৰে। লগতে একাংশ স্থানীয় লোকে ব্ৰহ্মপুত্ৰৰ পানীৰ গভীৰতাত জিঅ’ বেগৰ কাম নিখুঁতভাৱে যাতে কৰা হয় তাৰ প্ৰতি লক্ষ্য ৰাখিব লাগে বুলি দাবী জনায়। অন্যথা ৭০ বছৰৰ পাছত স্থায়ী প্ৰতিৰোধক এই অভিলাষী আঁচনিখন অৰ্থহীন হৈ পৰিব বুলি কয়।

উল্লেখ্য যে গুইমাৰাৰ পৰা মকাধুজলৈ জিঅ’ বেগ আৰু বোল্ডাৰ কেজিং আৰু পিটচিং অনুসৰি বিজ্ঞান সন্মতভাৱে ৰূপায়ণ হ’ব লগা ৩১ কোটি টকীয়া আঁচনিখনৰ বহু শতাংশ কাম এতিয়াও সম্পূৰ্ণ হোৱা নাই। অৱশ্যে আজি উপায়ুক্ত কৈলাশ কাৰ্তিক এনে আগত মাৰ্চৰ ভিতৰত আঁচনিৰ কাম সম্পূৰ্ণ কৰাৰ আশ্বাস প্ৰদান কৰি সাংবাদিকৰ আগত তেওঁ কয় যে কিছু অভিযোগ উত্থাপিত হৈছিল যদিও পৰিদৰ্শন কালত কামৰ অগ্ৰগতি সন্তোষজনক। আঁচনিৰ কাম ২০২১ চনৰ মাৰ্চ মাহৰ ভিতৰত সম্পূৰ্ণ কৰিবলৈ ইতিমধ্যে জলসম্পদ বিভাগৰ বিষয়া অভিযন্তা সকলৰ লগতে ঠিকা লাভ কৰা ব্ৰহ্মপুত্ৰ ইনফ্ৰাষ্টাকচাৰ প্ৰাইভেট লিমিটেডক নিৰ্দেশ দিয়া হৈছে। উপায়ুক্ত গৰকীক এই আঁচনি ৰূপায়ণৰ বাবে ভূমি অধিগ্ৰহণত বৰ্তমানও জটিলতা থকা সন্দৰ্ভত সাংবাদিকে সোধা প্ৰশ্নৰ উত্তৰত তেওঁ ইতিমধ্যে পলাশবাৰী চক্ৰ বিষয়াক এই ক্ষেত্ৰত বিহিত ব্যৱস্থা গ্ৰহণ কৰিবলৈ পত্ৰ প্ৰেৰণ কৰা বুলি কৈ কম দিনৰ ভিতৰত এই সমস্যা সমাধান কৰাৰ আশ্বাস প্ৰদান কৰি ভূক্তভোগী পৰিয়ালৰ ক্ষতিপূৰণ দিয়াৰ ব্যৱস্থা কৰিব বুলি কয়। এই আঁচনি ৰূপায়ণৰ ক্ষেত্ৰত তদাৰকৰ দায়িত্বত থকা পলাশবাৰী- গুমী প্ৰকল্পৰ কাৰ্যবাহী অভিযন্তা প্ৰণব ৰবাই উপায়ুক্ত গৰাকীক আঁচনিৰ অতিৰিক্ত খতিয়ান সন্দৰ্ভত বিস্তৃত ব্যাখ্যা আগবঢ়াই শীঘ্ৰে এই ক্ষেত্ৰত প্ৰশাসনিক সহযোগিতা কামনা কৰে । এছিয়ান ডেভ’লেপমেন্ট বেংক চমুকৈ এডিবিৰ অৰ্থৰে নিৰ্মীয়মান দ্বিতীয় পৰ্যায়ৰ আঁচনি অনুসৰি মকাধুজলৈ ৰূপায়ণ কৰিব লগীয় প্ৰায় ৬ কিলোমিটাৰ এলেকাত ৯০ হাজাৰ জিঅ’ বেগৰ প্ৰয়োজন হ’ব। পেকেজ মতে বিগত বাৰিষাত খহনীয়াই তীব্ৰ ৰূপ ধাৰণ কৰা গুইমাৰা, চিমিনা, বৰটাৰী অঞ্চলত অধিকাংশ কামেই বাকী আছে। ঠিকা লাভ কৰা কোম্পানী ব্ৰহ্মপুত্ৰ ইনফ্ৰাষ্টাকচাৰ প্ৰাইভেট লি: নামৰ সুৰেশ পৃথানিৰ কোম্পানীয়ে স্থায়ী খহনীয়া প্ৰতিৰোধৰ কাম এই অঞ্চলত সময় মতে নকৰাৰ বাবে ৰাইজ অসন্তুষ্ট হৈ পৰিছে । স্থানীয় তদাৰক সমিতিৰ সভাপতি জ্যোতিষ দাসে সাংবাদিকক জনোৱা মতে বিগত প্ৰায় আঢ়ৈ মাহত আঁচনিৰ কাম ক্ষীপ্ৰ গতিত হৈছে। এই ক্ষেত্ৰত জলসম্পদ বিভাগৰ পলাশবাৰী -গুমী (মথাউৰি) প্ৰকল্পৰ অভিযন্তা তথা বিষয়া সকলেও অহৰহ কামৰ খতিয়ান লৈ থকাত তেওঁলোকে সন্তোষ প্ৰকাশ কৰিছে। তেওঁৰ মতে এই অভিলাষী আঁচনিখন সময়ত নিৰ্মাণ হৈ নুঠিলে অঞ্চলটো ব্ৰহ্মপুত্ৰৰ গৰাখহনীয়াৰ পৰা ৰক্ষা কৰা কঠিন হৈ পৰিব।কামৰূপ জিলা উপায়ুক্ত  গৰাকীৰ সৈতে অতিৰিক্ত উপায়ুক্ত গুণমনি ৰায় চৌধুৰী, ফ্ৰেমাৰ প্ৰযুক্তি বিভাগৰ কাৰ্যবাহী বিষয়া ৰঞ্জিত ৰায় বৰুৱা, পিএমচি কনচালটেন্ট দিঠক শৰ্মা, মান নিৰুপন বিভাগৰ মুখ্য বিষয়া আই ভি বুঢ়াগোহাঁই, ডিজাইন বিভাগৰ সঞ্চালকদীপ পেগু, পলাশবাৰী টাউন প্ৰ’টেকচনৰ অধীক্ষক অভিযন্তা প্ৰণব দাস, পলাশবাৰী- গুমী মথাউৰি প্ৰকল্পৰ কাৰ্যবাহী অভিযন্তা প্ৰণব বৰা, সহকাৰী অভিযন্তা দীপক তালুকদাৰ, এছডিও দ্বিপেন শৰ্মা, কনিষ্ঠ অভিযন্তা পৰমেশ্বৰ দাসকে ধৰি বহু বিষয়া উপস্থিত থাকে।

Leave A Reply