Breaking

লংকাৰ হাৱাইপুৰত পথাৰত এৰাল দিয়া গৰুৰ ডিঙি কাটি পেলাই থৈ গ’ল মূৰ

0 151

লংকা

 লংকাৰ হাৱাইপুৰৰ গোঁসাই গাঁৱত শনিবাৰে এক অমানবীয় ঘটনা সংঘটিত হয়।  জানিব পৰা মতে,লংকাৰ হাৱাইপুৰৰ গোঁসাই গাঁৱৰ নিবাসী যুগেশ্বৰ নাথে নিজ ঘৰৰ দমৰা গৰুটো প্ৰত্যেক দিনৰ দৰে পথাৰত এৰাল দিছিল৷ সন্ধিয়া হোৱাত যুগেশ্বৰ নাথে গৰুটো ঘৰলৈ আনিবলৈ পথাৰলৈ যোৱাত এৰাল দিয়া ঠাইত গৰুটো নেদেখি পথাৰৰ কাষতে থকা লামডিং বনাঞ্চলত গৰুটো বিচাৰে৷ পিছত বনাঞ্চলৰ মাজেৰে কিছু দূৰ যোৱাত নিজৰ গৰুটোৰ কটা মূৰটো পাই হতভম্ব হৈ পৰে৷ গৰুটোক কোনো দুৰ্বৃত্তই এৰাৰ পৰা খুলি লামডিং বনাঞ্চলৰ ভিতৰলৈ নি মুখত চিয়ৰিব নোৱাৰাকৈ এৰালেৰে বান্ধি ডিঙি কাটি মূৰটো বনাঞ্চলতেই পেলাই ,গাৰ পিছৰ অংশটো লৈ উধাও হয়৷ পিছত ঘটনা সন্দৰ্ভত আৰক্ষীক অৱগত কৰাত স্হানীয় আৰক্ষীৰ লোক ঘটনাস্হলীত উপস্হিত হৈ অব্যাহত ৰাখিছে তদন্ত৷ বাতৰি লিখা পৰলৈকে আৰক্ষীয়ে ঘটনা সন্দৰ্ভত কাকো আটক কৰিব পৰা নাই৷ আনহাতে উক্ত অমানবীয় ঘটনাক কেন্দ্ৰ কৰি অঞ্চলজুৰি তীব্ৰ চাঞ্চল্য‌ই বিৰাজ কৰিছে৷

Leave A Reply