পঞ্চভূতত বিলিন হ’ল সত্ৰাধিকাৰ শ্ৰীশ্ৰীচিদানন্দ মূৰ্তী
ডিৰাক সীমান্ত
পঞ্চভূতত বিলিনহৈ গ’ল সত্ৰাধিকাৰ শ্ৰীশ্ৰীচিদানন্দ মূৰ্তীৰ নশ্বৰ দেহ৷ ২০১৫ চনত স্থাপন হোৱা বৰডিৰাক সোণালী সত্ৰৰ সত্ৰাধিকাৰ আছিল তেওঁ৷ শেহতীয়াকৈ বাৰ্ধক্যজনিত কাৰণত চিকিৎসকৰ কাষ চাপিছিল যদিও ৮১বছৰ বয়সীয়া এই গুৰুজনাই বুধবাৰে হাৰ মানিব লগা হ’ল নিয়তিৰ ওচৰত৷ এই শোক বাৰ্তাটো চৌদিশে বিয়পি পৰাত সত্ৰত ভিৰ কৰেহি আত্মীয় স্বজন আৰু ভকত বৃন্দই৷ শেষত ধৰ্মীয় নীতি অনুসৰি পৰম্পৰা ৰক্ষা কৰি গায় বায়নৰ মাজেৰে গুৰুজনাক চন্দন পুষ্পৰে সজ্জিত চিতাৰ কাঠত তুলি জনোৱা হয় অন্তিম শ্ৰদ্ধা৷ গুৰুজনাক মুখাগ্নী কৰে পুত্ৰ জগত মহন্তই৷ এতিয়া শোকাকুল সত্ৰ চৌপাশ৷